تەواو؛ چێڵسی و میونشن لەسەر گواستنەوەی ئەستێرەیەک رێککەوتن
ئەمڕۆ هەموو شتێک واژۆ دەکرێت
یاریگا –
پێدەچێت چیرۆکی گواستنەوەی نیکۆلاس جاکسن بۆ بایرن میونشن لە کۆتاییەکەی نزیکببێتەوە.
فابریزیۆ رۆمانۆ، رۆژنامەنووسی ناوداری مێرکاتۆ بڵاویکردووەتەوە، چێڵسی و بایرن میونشن لەسەر تەواوی وردەکارییەکانی گواستنەوەی جاکسن رێککەوتن.
جاکسن بەبڕی 15 ملیۆن یۆرۆ بەخواستن تاوەکو کۆتایی ئەم وەرزە یاریی بۆ میونشن دەکات.
بەگوێرەی رێککەوتنی نێوان هەردوو یانەکە بێت، میونشن بژاردەی گواستنەوەی هەمیشەیی یاریزانەکەی بەبڕی 80 ملیۆن یۆرۆ دەبێت.
جاکسن و عەلی بارات، بەڕێوەبەری کارەکانی ئەمڕۆ گەشتی میونشن دەکەن و دەستبەجێ پشکنینی پزیشکی و پڕۆسەی گواستنەوەکە تەواو دەکەن.
🚨🔴⚪️ EXCL: Nicolas Jackson to Bayern, here we go! Deal agreed with Chelsea on initial loan move.
€15m loan fee for one season plus buy option clause not mandatory for €80m package and sell-on clause.
Jackson, set to fly to Bavaria with his agent Ali Barat from Epic Sports. pic.twitter.com/Ttc49uUGE8
— Fabrizio Romano (@FabrizioRomano) August 30, 2025
چێڵسی لەم هاوینە گرێبەستی لەگەڵ جواو پێدرۆ و لیام دێلاپ واژۆکردووە، بەو هۆیە جاکسی پشتگوێخستووە و لە دوو یاریی رابردووی یانەکەی بەشداریی نەکردووە، بۆیە یاریزانەکە داوای لە یانەکەی کردووە رێگە بە رۆیشتنی بدەن.
نیكۆلاس جاكسن لە هاوینی 2023 لە ریزەكانی ڤیاڕیالەوە بە بەهای 37 ملیۆن یۆرۆ پەیوەندی بە چێڵسیەوە كرد و گرێبەستەكەی لە ساڵی 2033 بەسەردەچێت.
نیكۆلاس جاكسن لەگەڵ چێڵسی بەشداری 81 یاریی كردووە و توانیویەتی 30 گۆڵ بكات و 12 گۆڵیش درووست بكات.
