ئێستا؛ ئارسیناڵ گرێبەستێکی گەورەی یەکلاییکردەوە
گەنەرز ناوەستێت و بۆمبێکی دیکەی تەقاندەوە
یاریگا –
ئارسیناڵ کۆتایی بە گواستنەوەی مارتن هینکاپیێ، بەرگریکاری ئێکوادۆری دەهێنێت.
رۆژنامەنووسی تۆڕی ئاتلێتیک دەیڤد ئۆرنشتاین بڵاویکردووەتەوە، ئارسیناڵ لەگەڵ بایەر لیڤەرکوزن گەیشتووەتە رێککەوتنی کۆتایی و مارتن هینکاپیێ، بەرگریکاری ئێکوادۆری بۆ ماوەی وەرزێک بەشێوەی خواستن پەیوەندی بە گەنەرز دەکات و لە کۆتایی وەرزەکە ئارسیناڵ دەبێت بەبڕی 52 ملیۆن یۆرۆ گرێبەستەکە بکات بە هەمیشەیی.
بەگوێرەی مەرجێکی گرێبەستەکە ئارسیناڵ لە کۆتایی ئەم وەرزە گرێبەستەکە بۆ ماوەی پێنج وەرز دەکات بە هەمیشەیی و لەداهاتوودا %10ـی مافی فرۆشرانەوەی یاریزانەکە بۆ یانە ئەڵمانییەکە دەبێت.
🚨 EXCLUSIVE: Arsenal reach agreement with Bayer Leverkusen to sign Piero Hincapie. Season-long loan from #B04 + buy obligation. Package worth €52m & 10% sell-on. 5yr deal upon permanent transfer. Set to travel this weekend for #AFC medical @TheAthleticFC https://t.co/PgboU46oVT
— David Ornstein (@David_Ornstein) August 29, 2025
بەگوێرەی هەمان سەرچاوە، لە چەند کاتژمێری داهاتوو هینکاپیێ گەشتی لەندەن دەکات، پشکنینی پزیشکی بۆ دەکرێت و گرێبەستەکە واژۆ دەکات.
مارتن لە هاوینی 2021 بەبڕی 6.35 ملیۆن یۆرۆ لە تالێرێسی ئەرجەنتینییەوە پەیوەندی بە لیڤەرکوزن کردووە، بەهای ئێستای لە بۆڕسەی یاریزانان 50 ملیۆن یۆریە.
مارتن هینکاپیێ بەدرێسی لیڤەرکوزن لە سەرجەم پاڵەوانێتییەکاندا بەشداریی 166 یاریی کردووە، 7 گۆڵی کردووە و 5 گۆڵی دروستکردووە.
