هەولێر بەرگریکارێکی نێودەوڵەتی نایجێری گواستەوە

یاریگا –

کەمێک پێش ئێستا یانەی هەولێر گواستنەوەی بەرگریکارێکی نایجێری راگەیاند.

یانەی هەولێر لە تۆڕی کۆمەڵایەتی فەیسبووک، گواستنەوەی ئێندۆکا جونیۆر، بەرگریکاری نایجێری ئاشکرا کرد.

جونیۆر لە دڵی بەرگری یاریی دەکات و تاوەکو ئێستا دوو یاریی نێودەوڵەتی بۆ هەڵبژاردەی نایجێریا کردووە و خاوەنی گۆڵێکە.

ئێندووکا تەمەنی 23 ساڵە و پێشتر یاریی بۆ یانەکانی بیۆند لیمیتس و رێمۆ ستارس لە خولی نایابی نایجێریا کردووە.

بەرگریکارە نایجێرییەکە 132 یاریی لەگەڵ رێمۆ ستارس کردووە. هەرچەندە بەرگریکارە بەڵام خاوەنی هەشت گۆڵ و شەش ئەسیستە.

ئێندوکا یاریی لە چامپیۆنزلیگی ئەفریقا و جامی یەکێتیی ئەفریقا کردووە. لە چامپیۆنزلیگی ئەفریقا گۆڵێک و ئەسیستێکی هەیە و بە بەرگریکارێکی تۆکمە لە نایجێریا هەژمار دەکرێت.