ئێبێرێچی ئێزێ ماڵئاوایی لە یاریزانانی هاوڕێی دەکات
"تەنیا راگەیاندنی فەرمی ماوە"
یاریگا –
ئێبێرێچی ئێزێ ماڵئاوایی لە یاریزانانی هاوڕێی کردووە و پەیوەندی بە ئارسیناڵ دەکات.
شەوی رابردوو لە قۆناخی پلەی ئۆفی کۆنفرانسلیگ کریستاڵ پاڵاس میوانداری فرێدریکستادی کرد و 1-0 یارییەکەی بردەوە، بەڵام ئێبێرێچی بەشداریی یارییەکەی نەکرد.
ئۆلیڤیێ گلاسنەر، راهێنەری کریستاڵ پاڵاس ئاشکرایکرد، ئێزێ شەوی رابردوو لە یاریگای سەلهێرست پارک بووە، بەر لە پەیوەندیکردن بە ئارسیناڵ هاتووە ماڵئاوایی لە یاریزانانی هاوڕێی بکات.
🗣️ “I’m worried about Crystal Palace if we lose players and don’t get the right ones in”
Oliver Glasner discusses the mood in the Crystal Palace camp as Eberechi Eze’s move to Arsenal nears completion pic.twitter.com/QbmG1RJDdx
— Sky Sports News (@SkySportsNews) August 22, 2025
هاوکات بەگوێرەی زانیارییەکانی سکای سپۆرتس، ئێزێ ئەمڕۆ پشکنینی پزیشکی بۆ کراوە و لە چەند کاتژمێری داهاتوو ئارسیناڵ بەفەرمی گرێبەستەکە رادەگەیەنێت.
ئارسیناڵ بڕی 60 ملیۆن پاوەند بە گەرەنتریکراوی دەداتە پاڵاس و بڕی 7.5 ملیۆن پاوەندیش وەکو زیادە و پاداشتی پەیوەست بە بردنەوە نازناو و خەڵاتەکان دەبەستێتەوە.
ئێزێ لە هاوینی ساڵی 2020 لە کوینز پارک رەیجنەرزەوە بەبڕ 17 ملیۆن پاوەند پەیوەندی بە کریستال پاڵاس کرد. لەوساتەوە 169 یاریی بۆ هەڵۆکانی لەندەن کردووە و خاوەنی 40 گۆڵە. ئیزێ 12 یاریی نێودەوڵەتیشی لەگەڵ ئینگلتەرا کردووە و تەنیا یەک گۆڵی هەیە.
مەترسیدارترین هێڵی هێرشبەری ئەوروپا؛ ئیزێ چی بۆ پلانەکانی ئارتێتا زیاد دەکات؟
