یاریگا –
ئاندرێ پیرلۆ هەوڵێکیتری بواری راهێنەرایەتی تاقیدەکاتەوە، بەڵام ئەمجارە روودەکاتە ئاسیا.
پیرلۆ کە وەک یاریزان ناوی لە ریزی ئەفسانەکانی ئیاڵیا دەهێنرێت، بۆ یەکەمین جار لە ساڵی 2020-2021 کاروانە پیشەگەرێتیەکەی وەک راهێنەر لەگەڵ یوڤێنتوس دەستپێکرد. پاشان فاتیح کاراگومروگی تورکی، دوایین جاریش سامپەدۆریای وڵاتەکەی بوو کە لەوێش تەنها ساڵێکی خایاند و لە هاوینی 2024 دووریانخستەوە.
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، پیرلۆ واژۆ لەسەر گرێبەستی یانەی یونایتد ئێفی سی ئیماراتی دەکات.
ئەوەی مایەی سەرسوڕمانە بۆ هەوادارنی ئەفسانە ئیتاڵیەکە، ئەو یانەیەی دەبێتە راهێنەریان تەنها سێ ساڵە دامەزراوە.
🚨🇦🇪 Andrea Pirlo signs in as new UAE club United FC head coach, agreement done with Dubai’s side. pic.twitter.com/3UqDH3FKGk
— Fabrizio Romano (@FabrizioRomano) July 25, 2025
ئاندرێ لە ماوەی کاری راهێنەرایەتیدا تەنها دوو نازناوی بردووەتەوە. ئەوانەش جامی ئیتاڵیا و سووپەری ئەو وڵاتەبوو لەگەڵ خانمە پیرەکە.
