ئێستا؛ گرانیت چاکا و یانەیەکی پرێمەرلیگ گەیشتنە رێککەوتن
یاریگا –
گرانیت چاکا وەرچەرخانێکی گەورە دەکات لە ئاڕاستەکەیدا کە پێشتر راگەیەندرا یاریزانە سویسریەکە بارگەی لە ئەوروپاوە بۆ سعوودیە دەپێچێتەوە.
نزیکەی دوو هەفتە لەمەوبەر فلۆریان پلێتنبێرگ بڵاویکردەوە کە چاکای تەمەن 32 ساڵ ریزەکانی بایەر لیڤەرکوزن جێدەهێڵێت و پەیوەندی بە نیۆمەوە دەکات. تەنانەت بڕی ئەو مووچەیەشی خستەڕوو (10 ملیۆن یۆرۆ) کە گرانیت لە یانە سعوودیەکەدا وەریدەگرێت.
ئێستا و بەگوێرەی زانیارییەکانی هەمان رۆژنامەنووس، چاکا لەگەڵ سەندەرلاندی ئینگلیزی رێککەوتنی کردووە.
پلێتنبێرگ لە زاری خۆزێ نۆگوێرای بریکاری یاریزانەکەوە ئەوەی ئەوەی بڵاوکردووەتەوە
ئێمە لەگەڵ سەندەرلاند گەیشتووینەتە رێککەوتنی سەرەتایی. گرانیت دەیەوێ بگەڕێتەوە بۆ پرێمەرلیگ. سەندەرلاندیش بەو خۆشحاڵن. ئەو دەیەوێ ئەم ئاڵناگراییە ئەنجام بدات. هیواخوازین لیڤەرکوزن رێز لەم خواستەی چاکا بگرن و هەردوو یانەشە بەمزووانە رێکبکەون.
🚨🧨 EXCL | Granit #Xhaka wants to join #Sunderland immediately.
His agent José Noguera told me for Sky:
“We’ve reached an agreement in principle with Sunderland. Granit wants to return to the Premier League. Sunderland excites him – he wants to take on this challenge. We… pic.twitter.com/EXrH2m175i
— Florian Plettenberg (@Plettigoal) July 22, 2025
چاکا 15 ساڵ پیش ئێستا لە بازلی وڵاتەکەیەوە کاروانی پیشەگەرێتی دەستیپێکرد. پاشان مۆنشنگلادباخ. بەڵام ناوبراو زیاتر وەک یاریزانی ئارسیناڵ دەناسرێتەوە کاتێک لە 2016-2023 پێش ئەوەی رووبکاتە لیڤەرکوزن، درێسی یانە لەندەنییەکەی پۆشی.
ناوەراستی مانگی رابردووش بوو کە فابریزۆ رۆمانۆ بڵاویکردەوە کە ئەیسی میلان دەیانوسیت پەیوەندی بە لیڤەرکوزنەوە بکەن بۆ گواستنەوەی یاریزانە بەئەزموونەکەی هێڵی ناوەند. بەڵام وادیارە خودی گرانیت زیاتر گەڕانەوەی بۆ پرێمەرلیگ ویستووە.
