تەواو؛ بارسێلۆنا دووەمین گرێبەستی لەم هاوینە یەکلایی کردەوە
روونی باردگی دوای خوان گارسیا دەبێتە دووەم گرێبەستی هاوینەی بلاوگرانا
یاریگا –
بارسێلۆنا بۆ گواستنەوەی روونی باردگی یاریزانی لاوی سویدی لەگەڵ کۆپێنهاگنی دانیمارکی رێککەوت، ئەو یاریزانە لاوە سویدییە دوای خوان گارسیا دەبێتە دووەم گرێبەستی ئەم هاوینەی یانە کەتەلۆنییەکە.
سانتی ئاونا رۆژنامەنووسی فەڕەنسی ئاشکرایکردووە، بارسێلۆنا و کۆپێنهاگن لەبارەی روونی باردگی رێککەوتوون، یاریزانە سویدییەکە بەرامبەر 2.5 ملیۆن یۆرۆ پەیوەندی بە یانە ئیسپانییەکە دەکات و بەگوێرەی بەندێکی گرێبەستەکەشی لە داهاتوو ٪15ـی پارەی فرۆشتنی ئەو یاریزانە بۆ یانە دانیمارکییەکە دەبێت.
🚨🔵🔴🇸🇪 #Liga |
🔐 FC Barcelona and Copenhague have reached an agreement for Roony Bardghji
💰 Transfer €2,5M + 15% of future sell
❗️ Porto sent also an offer of €2.5M but Roony Bardghji choose Barcelona
🤝 @FabrizioRomano https://t.co/iCIHesNi6u pic.twitter.com/oC3xEOahFG
— Santi Aouna (@Santi_J_FM) June 23, 2025
سانتی ئاونا راشیگەیاندووە، گەرچی پۆرتۆ ئۆفەرێکی وەکو بارسێلۆنای پێشکەش کردبوو بۆ ئەوەی باردگی بباتە ریزەکانی، بەڵام ئەو یاریزانە سویدییە بارسێلۆنای هەڵبژاردووە.
باردگی (19 ساڵان) کە لە باڵی راست یاریی دەکات و لە بۆرسەی یاریزانان بەهایەکەی 7.5 ملیۆن یۆرۆیە، تاوەکو کۆتایی ئەمساڵ گرێبەستی لەگەڵ کۆپێنهاگن هەیە، کە ئەو یاریزانە سویدییە لە هەڵبژاردەی ژێر 21 ساڵانی سوید لە 9 یاری 2 گۆڵی کردووە.
باردگی لە تیپی لاوانی کۆپێنهاگنەوە پێگەیشتووە و هەر لەو یانە دانیمارکییە پێگەیشتووە، کە لەگەڵ تیپی یەکەمی یانەکە لە 84 یاری 15 گۆڵ و ئەسیستێکی کردووە.
