تەواو؛ بارسێلۆنا یاریزانێکی لاوی سویدی دەگوازێتەوە ریزەکانی
یاریگا –
بارسێلۆنا نزیکە روونی باردگی یاریزانی لاوی سویدی لە کۆپێنهاگنی دانیمارکییەوە بگوازێتەوە ریزەکانی.
فابریزیۆ رۆمانۆ رۆژنامەنووسی ئیتاڵی ئاشکرایکردووە، بارسێلۆنا لەگەڵ روونی باردگی یاریزانی 19 ساڵانی سویدی رێککەوتووە و هەردوولا لە قۆناخی کۆتایی گفتوگۆیەکاندان، باردگی مانگی داهاتوو پەیوەندی بە ریزەکانی بلاوگرانا دەکات.
رۆمانۆ راشیگەیاندووە، چەند وردەکارییەکی کەم لە نێوان هەردوولا ماوە، چاوەڕێ دەکرێت لە چەند رۆژی داهاتوو ئەو یاریزانە 19 ساڵانە ببێتە یاریزانی بلاوگرانا.
🚨🔵🔴 Barcelona are advancing and closing in on deal to sign Roony Bardghji from Copenhagen!
Agreement at final stages with the last details expected to be sorted in the upcoming days.
The Swedish winger can join Barça from July. 🇸🇪 pic.twitter.com/1y7A0ytIh0
— Fabrizio Romano (@FabrizioRomano) June 23, 2025
باردگی کە لە باڵی راست یاریی دەکات و لە بۆرسەی یاریزانان بەهایەکەی 7.5 ملیۆن یۆرۆیە، تاوەکو کۆتایی ئەمساڵ گرێبەستی لەگەڵ کۆپێنهاگن هەیە، کە ئەو یاریزانە سویدییە لە هەڵبژاردەی ژێر 21 ساڵانی سوید لە 9 یاری 2 گۆڵی کردووە.
باردگی لە تیپی لاوانی کۆپێنهاگنەوە پێگەیشتووە و هەر لەو یانە دانیمارکییە پێگەیشتووە، کە لەگەڵ تیپی یەکەمی یانەکە لە 84 یاری 15 گۆڵ و ئەسیستێکی کردووە.
