گاڵاتەسەرای لەسەر گرێبەستە گەورەکانی لە مێرکاتۆی ئەم هاوینە بەردەوام دەبێت
ئەستێرەیەکی سێریا ئەی دەوێت
یاریگا –
گاڵاتەسەرای تورکی دەیەوێت لەم هاوینە چەند گرێبەستێکی گەورە واژۆ بکات و دوای گواستنەوەی لیرۆی سانێ، هەوڵی گواستنەوەی چالهانۆغلۆ دەدات.
فلۆریان پلێتینبێرگ رۆژنامەنووسی ئەڵمانی ئاشکرایکردووە، بەڕێوەبەری کارەکانی هاکان چاڵهانۆغلۆ دەچێتە ئیستەنبۆڵ بۆ ئەوەی لەگەڵ بەرپرسانی یانەی گاڵاتەسەرای تورکی کۆببێتەوە و لەبارەی چوونی ناوەڕاستکارە تورکەکە گفتوگۆ بکەن.
🚨🟡🔴 A meeting between Hakan Calhanoglu’s agent and Galatasaray is planned to take place in Istanbul very soon, in order to assess the player’s intentions, price …
No decisions or offers yet. However, Gala are aware that #Calhanoglu is a big fan of the club and, according to… pic.twitter.com/rkWe3a6lZh
— Florian Plettenberg (@Plettigoal) June 16, 2025
پەیامنێرەکەی سکای سپۆرتسی ئەڵمانی راشیگەیاندووە، تاوەکو ئێستا هەردوولا نەگەیشتوونەتە رێککەوتن، بەڵام گاڵاتەسەرای دوای گواستنەوەی لیرۆی سانێ لە بایرن میونشنەوە، دەیەوێت مارک ئاندرێ تێرشتیگن لە بارسێلۆنا و هاکان چاڵهانۆغلۆ لە ئینتەر میلان و ئیلکای گۆندوگان لە مانچێستەر سیتییەوە بگوازێتەوە ریزەکانی و پارێزگاریش لە ڤیکتۆر ئۆسیمێن بکات کە بەخواستن لە یانەکەیە.
پڵاتفۆڕمی 433 ئاشکرایکردووە، چاڵهانۆغلۆ رەزامەندیی دەربڕیوە بگەڕێتەوە تورکیا و یەکێکە لە هاندەرە سەرسەختەکانی گاڵاتەسەرای و ئامادەیی دەربڕیوە پەیوەندی بەو یانەیەوە بکات.
🚨 𝐄𝐗𝐂𝐋𝐔𝐒𝐈𝐕𝐄: Galatasaray are working to bring Hakan Çalhanoğlu to Istanbul. The player is open to returning to his homeland. 🇹🇷 pic.twitter.com/KrKElicfT7
— 433 (@433) June 15, 2025
ناوەڕاستکارە 31 ساڵانەکە هاوینی 2012 لە ئەیسی میلانەوە روویکردە ریزەکانی ئینتەر میلان و بە درێسی نێرادزۆری لە 182 یاری 38 گۆڵ و 32 ئەسیستی کردووە، هاوینی 2017 لە بایەر لیڤەرکوزنەوە پەیوەندی بە ریزەکانی ئەیسی میلانەوە کردووە و پێشتریش لە هامبۆرگەوە دەستی بە یاریی کردووە.
