لیڤەرپوول و چێڵسی ململانێی گواستنەوەی ئێکیتیکێ دەکەن
فرانکفورت بەهای یاریزانەکەی دیاریکردووە..
یاریگا –
لیڤەرپوول هەوڵەکانی بۆ گواستنەوەی هوگۆ ئێکیتیکێ، هێشبەری ئینتراخت فڕانکفۆرت چڕکردووەتەوە.
رۆژنامەنووسی تۆڕی سکای ئەڵمانیا فلۆریان پلێتنبێرگ بڵاویکردووەتەوە، لیڤەرپوول زۆر بە رژی کار لەسەر گواستنەوەی هوگۆ ئێکیتیکێی فەڕەنسی دەکات.
فلۆریان ئاماژەی بەوەش کردووە، ئاڕنە سڵۆتی راهێنەری یانەکە و مایکڵ ئێدواردز، بەڕێوبەری جێبەجێکاری لیڤەرپوول ئارەزووی گواستنەوەی هوگۆ دەکەن و گفتوگۆیان بۆ گواستنەوەی کردووە، گەورەترین رکابەری رێدزیش چێڵسی لەندەنیە و ئامادەیە پارەیەکی زۆر لەپێناو یاریزانەکە خەرجبکات.
🚨🆕 The next big target from the Bundesliga: Understand FC Liverpool are now seriously in the race for Hugo #Ekitike!
Talks have taken place. Slot/Edwards keen on him. The biggest rival at the moment: Chelsea.
Eintracht Frankfurt have not yet received an offer. Markus Krösche… pic.twitter.com/aCflXT3QYU
— Florian Plettenberg (@Plettigoal) May 28, 2025
بەگوێرەی هەمان سەرچاوە هێشتا ئینتراخت فڕانکفۆرت هیچ ئۆفەرێکی فەرمی پێنەگەیشتووە، بەڵام مارکوس کرۆشە بەڕێوبەری جێبەجێکاری یانە ئەڵمانییەکە ئامادە نییە بە کەمتر لە 100 ملیۆن تۆرۆ دەستبەرداری ببێت.
هوگۆ ئێکیتیکێ هاوینی رابردوو بەبڕی 16.50 ملیۆن یۆرۆ لە پاریس سانجێرمانەوە پەیوەندی بە فڕانکفورت کرد و تاوەکو هاوینی 2029 گرێبەستی لەگەڵ یانە ئەڵمانییەکە هەیە.
بەگوێرەی ماڵپەڕی ترانسفێر مارکێت، بەهای ئێستای هێرشبەرە 22 ساڵانییەکە لە بۆڕسەی یاریزانان 55 ملیۆن یۆرۆیە.
هوگۆ لەم وەرزە لە سەرجەم پاڵەوانێتییەکان 48 یاریی بۆ فرانکفورت کردووە و بەشداریی 34 گۆڵی کردووە، 22 گۆڵی کردووە و 12 گۆڵیشی دروستکردووە.
دوایین پەرەسەندن؛ لیڤەرپوول شوێنگرەوەی نونێز دەگوازێتەوە و ئیزاک داهاتووی یەکلاییدەکاتەوە
