فەرمی؛ ڤالڤێردی گرێبەستەکەی نوێکردەوە

یاریگا –

ئێرنێستۆ ڤالڤێردی، راهێنەری ئاتلێتتک بیلباو گرێبەستەکەی لەگەڵ یانەکەی نوێکردەوە.

پێگەی فەرمی بیلباو بڵاویکردووەتەوە، بەشێوەیەکی فەرمی لەگەڵ ئێرنێستۆ ڤالڤێردی گەیشتوونەتە رێککەوتن و گرێبەستی راهێنەرە ئیسپانییەکەیان تاوەکو هاوینی 2026 نوێکردووەتەوە.

Sigamos haciendo historia juntos.

🔴⚪️ #Valverde2026#AthleticClub 🦁 pic.twitter.com/1S4Pasr9Bc

— Athletic Club (@AthleticClub) May 23, 2025

ڤالڤێردی لە سێ سەردەمی جیاواز و لە 2003 تاوەکو 2005، 2013 تاوەکو 2017 و لە 2022 تاوەکو ئێستا سەرپەرشتی بیلباوی کردووە. لەم وەرزەش توانی یانەکە بگەیەنێتە چامپیۆنزلیگی وەرزی داهاتوو.

ئەمە ئالنگارییەکی گەورەیە، بەرامبەر تیپەکە و هاندەرانیش هەست بە بەرپرسیارێتی دەکەم، چامپیۆنزلیگ خەونێکی گەورەیە، رکابەرییەکی سەختە و هیوادارم وەرزی داهاتوو بەیەکەوە چێژی لێ وەربگرین.

ڤالڤێردی لە 449 یاریی سەرپەرشتی بیلباوی کردووە، 212 یاریی بردووەتەوە، 104 یاریی دۆڕاوە و لە 133 یاریی یەکسانبووە. نازناوێکی جامی شای ئیسپانیا و نازناوێکی جامی سوپەری ئیسپانیای بۆ یانەکە بەدەستهێناوە.

🎙️ #Valverde2026

“Es un reto importante. Yo siento una responsabilidad aquí, con lo que es el equipo, con la gente que trabaja"

"La Champions es una ilusión inmensa, es una competición durísima y espero que la disfrutemos todos"#AthleticClub 🦁 pic.twitter.com/WjhQsiQYZL

— Athletic Club (@AthleticClub) May 23, 2025