یاریگا –
سبەی ئەستێرەیەکی ئاتلێتیکۆ دوایین یاریی خۆی لەبەردەم هاندەرانی یانەکەدا ئەنجامدەدات و دوای کۆتاییهاتنی وەرزەکە بەیەکجاریی مێترۆپۆلیتانۆ جێدهێڵێت.
بەگوێرەی زانیارییەکانی فابریزۆ رۆمانۆ، سبەی کۆتا یاریی دەبێت بۆ سیزار ئازپیلیکویتا لەنێو یاریگای خۆیاندا کاتێک لە هەفتەی 37 پێشوازیی ریال بیتیس دەکەن.
ئازپیلیکویتا لە هاوینی 2023 لە چێڵسیەوە روویکردە یانەکەی پایتەختی ئیسپانیا. دوای کۆتاییهاتنی ئەم وەرزە گرێبەستەکەی نوێناکاتەوە.
وەک رۆمانۆ ئاشکرایکردووە، سیزار لەبەر رێزی بۆ چێڵسی کە ماوەی 11 ساڵ درێسەکەی بلووزی پۆشی، ناگەڕێتەوە بۆ یاریکردن بۆ هیچ یانەیەکی پرێمەرلیگ. بەڵام هەر بە هاتنەپێشەوەی پرۆژەیەکی دڵخواز ئەوا هەر لە ئەوروپا دەمێنێتەوە یاخود روودەکاتە کیشوەرێکی دیکە.
🚨 César Azpilicueta will play his final game at the Metropolitano this Sunday, not extending his contract with Atlético.
Azpi won’t return to play for Premier League clubs out of respect for Chelsea.
He can stay in Europe with good project or move to another continent. pic.twitter.com/r301b33P0B
— Fabrizio Romano (@FabrizioRomano) May 17, 2025
ئازپیلیکویتا تەمەنی گەیشتووەتە 35 ساڵ. لەم وەرزە تەنها 19 جار لەلایەن سیمیۆنی راهێنەرەوە بەشداریپێکراوە لە سەرجەم پاڵەوانێتتەکان.
