یاریگا –
نیمانیا ماتیچ بە چەند لێدوانێکی مشتومڕهێنەر بووەتە بابەتی گەرمی مێدیای ئینگلیزی.
ئەمڕۆ ماتیچ لە وەڵامێکی تونددا لە ئاندرێ ئۆنانای گۆڵپارێزی مانچێستەر یونایتد هاتەدەنگ و ئەو گۆڵپارێزەی بە خراپترینی مێژووی یانەکە زانی. ئەوە لەکاتێکدا ماتیچ کە ئێستا لە لیۆنی فەڕەنسیە، سبەی شەو لە میانی یاریی چوونی چارەکی کۆتایی رووبەڕووی یانەکەی دەبێتەوە کە ماوەی 2017-2022 درێسی شەیتانە سوورەکانی پۆشیبوو.
ماتیچ: ئۆنانا لە خراپترین گۆڵپارێزەکانی مێژووی یونایتدە و باشترە بزانێت چۆن قسە دەکات – Yariga
لە چاوپێکەوتنیدا کە ئاندی میتینی رۆژنامەنووسی ئینگلیزی بڵاویکردووەتەوە، یاریزانە سڕبیەکە بەراوردی نێوان چێڵسی کە لە 2014-2017 یاریی بۆ کردوون و مان یونایتد دەکات لە رووی ئەقڵیەتی زاڵی بیرکردنەوە لە هەردوو یانەکەدا و وتی
ئەو جیاوازییەی دوای جێهێشتنی چێڵسی هەستم پێکرد، لە چێڵسی هەمووشتێ دەربارەی ئەنجام و بردنەوەی نازناوەوە بوو. ئەوە رۆحیەتی هەموو یانەکە بوو تەنانەت ئەو پیاوەشی کە چیمەنی یاریگاکەی دەبڕی. رۆمان ئەبرامۆڤیچ تەنها داوای ئەنجامەکانی دەکرد.
بەڵام لە یونایتد زیاتر ئەقڵیەتەکە بازرگانیی بوو. دوای تەنها دوو مانگ لەو مان یو ئەو هەستەم لا دروست بوو. من بە برسیبوون بۆ نازناوەکان گەیشتمە مانچێستەر یونایتد هەروەک لە چێڵسی وابووم، بەڵام وردە وردە هەستمکرد نازناوەکان مایەی بیر و هۆش نەبوون. من دەزانم کە مووچەکانمان هەر دەدرێ بەڵام هەستیشم دەکرد کە ئەنجامەکان مایەی بیرلێکردنەوە نەبوون وەک چێڵسی. لە چێڵسی دوو کاری بازرگانییم دەکرد، بەڵام لە یونایتد زۆر لەوە زیاتر.
بۆ زانین، ماوەی سێ ساڵ یاریکردن بۆ بلووز، ماتیچ توانی 4 نازناو بباتەوە کە لە نێویاندا دوو پرێمەرلیگ بوو. بەڵام دوای پێنج ساڵ یاریکردن بۆ مان یونایتد لە کۆتاییدا بە سفڕ نازناوەوە ئۆڵدترافۆردی جێهێشت.
Exclusive interview with OL’s Nemanja Matic for @TheAthleticFC
Love of sweets while staying sharp at 36
High/lows points at MUFC
The only thing Abramovich asked him about
Relationship with Mourinho and why the PL needs him
Most difficult opponenthttps://t.co/9RFJwccI3Y
— Andy Mitten (@AndyMitten) April 9, 2025
