یاریگا –
گاڵاتەسەڕای هێرشێکی توند دەکاتە سەر جۆزێ مۆرینیۆ و بە تێکدانی تۆپی پێی تورکیای تۆمەتبار دەکات.
مۆرینیۆ، راهێنەری فەنەرباچێ بووەتە جێی سەرنجی میدیاکان، ئەمەش دوای دۆڕانی لە قۆناخی چارەکی کۆتایی جامی تورکیا بە گاڵاتەسەڕای و هێرشکردنە سەر ئۆکان بوڕووک، راهێنەری گاڵاتەسەڕای.
دوای تەواوبوونی یارییەکە، دەمەقاڵی لە نێوان مۆرینیۆ و بورووک دروستبوو، دوای دوورکەوتنەوەی راهێنەرەکەی گاڵاتەسەڕای، مۆرینیۆ پەنجەی بۆ لووتی بورووک برد و ئەمەش کاردانەوەی توندی بەدوای خۆیدا هێنا.
🚨🚨 Fenerbahçe manager Jose Mourinho to Galatasaray manager Okan Buruk. 😳👃 pic.twitter.com/BF7hk23AFF
— EuroFoot (@eurofootcom) April 2, 2025
تاوەکو ئێستا یەکێتیی تۆپی پێی تورکیا سزای مۆرینیۆی یەکلایی نەکردووەتەوە، بەڵام بەگوێرەی هەڵسەنگاندنی ئەزمووندارانی خوولەکە بێت، مۆرینیۆ بۆ 10 یاریی سڕدەکرێت.
گاڵاتەسەڕای بەیاننامەیەکی توندی لە دژی مۆرینیۆ بڵاوکردووەتەوە و بە شێواندنی تۆپی پێی تورکیای تۆمەتبار دەکات.
هەرچەندە راهێنەری تیمی رکابەر بۆ بەرەوپێشخستنی تۆپی پێی تورکیا هاتبوو، بەڵام لە هەشت مانگی رابردوودا، زیانێکی زۆری بە تۆپی پێی تورکیا گەیاندووە، لە جیاتی ئەوەی داوای لێبووردن بکات، هیچ کاردانەوەیەکی نەبووە، هەرچەندە ئەم کەسە لە نێو کۆمەڵگەی تۆپی پێی نێودەوڵەتیدا کردەوەی لەم شێوەیەی هەبووە.
داوای لێبووردن دەکەین بۆ دەرکردنی ئەم بەیاننامەیە، چونکە پێدەچێت گاڵتە بە ژیری کۆمەڵگەی تۆپی پێی تورکیا بکات.
خودا هیچ کەسێک ناچار بە بەرگریکردن لەم هێرشە ناڕەوایە بۆ سەر وەرزش ناکات، چونکە لەبەرچاوی هەموو خەڵک روویدا. هەست بە شەرمەزاری دەکەین.
یەکێتیی تۆپی پێی تورکیا لیژنەیەکی تایبەتی بۆ پێداچوونەوە بە رووداوەکە کردووە و لەوانەیە مۆرینیۆ بە درێژایی ئەم وەرزە دووربخرێتەوە.
