یاریگا –
ئەستێرەیەکی دیاری ئەڵمانیا و یانە ناودارەکانی ئەوروپا واز لە یاریکردن دەهێنێت.
هاندەرانی تۆپی پێی مانشافت و یانەکانی بۆڕووسیا دۆرتموند، بایرن میونشن و رۆما بینەری ماڵئاوایی ماتس هەمڵس دەبن.
لە راگەیەندراوێکدا لە پێگە فەرمیەکانی خۆیەوە ئەستێرە ئەڵمانیە، وەک خۆی نووسیویەتی “بە دڵێکی پڕەوە” لە کۆتایی ئەم وەرزە بە یەکجاریی واز لە یاریکردن دەهێنێت.
ئەو بەرگریکارە ماوەی زیاتر لە 18 ساڵە لە یاریگاکان یاریی دەکات و خاوەنی چەندین دەستکەوتی گرنگە. ناوبراو لەو نەوە زێڕینەی ئەڵمانیایە کە توانیان مۆندیالی 2014 لەنێو خاکی بەڕازیل ببەنەوە دوای ساڵانێکی زۆر لە دابڕان لەو جامە.
ئەو راگەیەندراوەی لەکاتێکدایە ئێستا لە یانەی رۆمایە و ئەو یانەیەی پایتەختی ئیتاڵیای هەڵبژارد بۆ کۆتا وێستگەی یاریکردنی.
THE END. Was für eine Reise! @OfficialASRoma @BVB @FCBayern @DFB_Team
Danke, Grazie, Thank you. pic.twitter.com/9a2tnHUyZB
— Mats Hummels (@matshummels) April 4, 2025
بە وازهێنانی لە تۆپی پێ، هاندەرانی ئەڵمانیا لە ماوەی تەنها ئەم دوو ساڵەی دواییدا ماڵئاواییان لە دوو دیارترین پاڵەوانی وڵاتەکەیان دەکەن کە هاوینی رابردوو تۆنی کرووس لە لووتکەی ئاستیدا لە ریال مەدرید لاپچینەکانی بۆ هەمیشە لە یاریکردن هەڵواسی.
