یانەیەکی ئیتاڵی دوو یاریزانی لەپێناو دەستکەوتنی تواناکانی تۆنالیدا دەدات بە نیوکاسڵ

یاریگا –

یانەیەکی ئیتاڵی بە رژدی هاتووەتە سەرخەت بۆ گواستنەوەی ساندرۆ تۆنالی لە نیوکاسڵ.

تۆنالی کە پێشتر لە ئەیسی میلان وەک “پیرلۆی نوێ” ناوزەد دەکرا، ساڵی 2023 بە بڕی 70 ملیۆن یۆرۆ وەک گرانترین گرێبەست لە مێژووی نیوکاسڵدا گواسترایەوە بۆ ئەو یانە ئینگلیزیە. بەڵام  مانگی ئۆکتۆبەری هەمان ساڵ بۆ ماوەی 10 مانگ لە یاریکردن راگیرا بەهۆی یاریکردن بە ئەنجامی یارییەکانەوە کاتێک هێشتا یاریزانی میلان بووە.

فیفا سزاکەی ساندرۆ تۆنالی خستە بواری جێبەجێکردن – Yariga

بەگوێرەی نوێترین زانیاریی کە رۆژنامەی گازێتای ئیتاڵی بڵاویکردووەتەوە، یوڤێنتوس گەشتوونەتە ئەو بڕاوەیەی پێویستیان بە تواناکانی ئەو ئەستێرە ئیاڵییەیە بۆ هێڵی ناوەڕاست.

هەمان سەرچاوە ئەوەشی بڵاوکردووەتەوە کە نیوکاسڵ بە بڕی 60-70 ملیۆن یۆرۆ رازی دەبێت دەستبەرداری یاریزانە 24 ساڵانەکەی بێت.

هەر بەپێی گازێتا، خانمە پیرەکە ئامادەیە هەریەک لە دۆگلاس لویزی بەڕازیلی و دوسان ڤلاهۆڤیچی سڕبی لە مامەڵەکەدا بەکاربهێنێت لەپێناو کەمکردنەوەی نرخی ساندرۆ.

بەم هەوڵەیان، یۆڤی دەبێتە بەربەستێکی گەورە لە بەردەم ئەیسی میلان کاتێک زانیارییەکانی مانگی شوباتی ئەم ساڵ باسیان لە مەیلی گەڕانەوەی ئەو یاریزانە دەکرد بۆ یانەکەی پێشووی.

هەواڵێکی دڵخۆشکەر لەبارەی ساندرۆ تۆنالی بۆ هاندەرانی ئەیسی میلان – Yariga