ئیسپانیاگرنگترین

لاپۆرتا بە توندی وەڵامی بەیاننامەكەی لالیگا دەداتەوە

Yariga App

یاریگا –

خوان لاپۆرتا، سەرۆكی یانەی بارسێلۆنای ئیسپانی وەڵامێكی توندی خاڤیێر تێباس و لالیگا دەداتەوە.

ئەمڕۆ لالیگا بەیاننامەیەكی لەسەر دۆخی ئێستای بارسێلۆنا بڵاوكردەوە و لە بەیاننامەكەدا هاتووە:

بارسێلۆنا گۆڕانکاری گەورەی لە ئاستی گشتی مووچەی یاریزاناندا کردووە، بەڵام فرۆشتنی کورسییەکانی VIP یاریگای کامپ نو بەبڕی 100 ملیۆن یۆرۆ لە تۆمارەکانی دارایی یانەکەدا نین و بەمەش پابەندی خۆی بۆ تۆمارکردنی ناوی دانی ئۆلمۆ و پاو ڤیکتۆر پێشێلکردووە.

هەر زوو سەرۆكی بارسێلۆنا وەڵامی بەیاننامەكەی لالیگای دایەوە و گوتی:

وەڵامی لالیگا و تێباس دەدەینەوە، ئەوان دەیانەوێت هێرشبكەنە سەر بەرژەوەندییەكانمان، سەرەتا رەزامەندییان لەسەر تۆماركردنی ناوی دانی ئۆلمۆ و پاو ڤیكتۆر دا، ئێستا پەشیمان دەبنەوە، بۆچی؟ ئایا سەرەتا هەڵەیانكردووە كە رەزامەندییان دەربڕیوە؟.

بەیانی ئەمڕۆ لالیگا بەیاننامەیەكی بڵاوكردەوە لە كاتێكدا ئێوارە یارییەكی گرنگمان هەیە، ناتوانن لە یاریگادا لێمان ببەنەوە بۆیە رێگای دیكە دەگرنە بەر.

ئەمەش هەوڵێكی دیكەیانە بۆ زیانگەیاندن بە بارسێلۆنا و وەڵامی بەهێزمان دەبێت، هەندێكجار هەستدەكەم ئەوە تەنیا رێكەوت نییە، چونكە ئەمڕۆ یارییەكی گرنگمان بەرامبەر ئاتلێتیكۆ هەیە، ئەوان هەوڵدەدەن بە رێگایەك لێمان ببەنەوە، لە یاریگادا ناتوانن، بۆیە لە ئۆفیسەكاندا هەوڵ دەدەن، منیش وەک سەرۆكی بارسێلۆنا رێگە بەوە نادەم.

وەڵامی من بۆ لالیگا و تێباس بەهێز دەبێت.

بەهۆی یاسایی دارایی خاوێن، بارسێلۆنا لە سەرەتای وەرزەوە کێشەی لە تۆمارکردنی ناوی دانی ئۆلمۆ یاریزانی نوێی یانەکە هەبوو، بارسا چەند جارێک هەوڵیدا ناوی هەردوو یاریزانەکە تۆمار بکات، بەڵام کۆمەڵەی لالیگا رەتیکردەوە، تا دواجار ئەنجوومەنی باڵای وەرزشی ئیسپانیا رەزامەندییدا ناوی یاریزانەکە بە کاتی تۆماربکرێت.

 

 

بابەتی زیاتر

Back to top button