یاریگا –
دەیڤد مۆیس، راهێنەری ئێڤەرتن بە گاڵتەوە باسی چوونە دەرەوەی محەمەد سەڵاحی لە لیڤەرپوول کرد.
چارەنووسی سەڵاح لەگەڵ لیڤەرپوول یەکلایینەکراوەتەوە و لە سەرەتای هاوینی داهاتوو گرێبەستەکەی لە ئانفیڵد بەسەردەچێت. بەگوێرەی دوایین راپۆرتی رۆژنامەی گاردیان بێت، سەڵاح بە مانەوەی گەشبینە.
ئەمشەو لە یاریی دێربی گەورەی مێرسیساید، لیڤەرپوول لە ئانفیڵد میوانداری ئێڤەرتن دەکات، مۆیس بەر لە یارییەکە بە گاڵتەوە باسی سەڵاحی کرد
سەڵاح وەرزێکی دەرئاسا لەگەڵ لیڤەرپوول پێشکەش دەکات، بەڵام دەبێ راستگۆ بین، پرێمەرلیگ یەکێکە لە قورسترین خولەکانی جیهان و ئێمە باسی یەکێک لە باشترینەکانی مێژووی خولەکە دەکەین.
مۆ نەک تەنیا لەم وەرزەدا ئاستی بەرزبووە، بەڵکو لە چەندین وەرزی رابردووشدا، ئاستێکی جێگیر هەبووە و بەردەوام زۆر گۆڵ دەکات، زۆر ئەسیست دەکات و زۆر بە کەمیش تووشی پێکان دەبێت.
بەدڵخۆشییەوە دەیبەمە فڕۆکەخانە و دەیخەمە نێو فڕۆکەیەک و بەڕێیەکەین.
لیڤەرپوول لە چامپیۆنزلیگ و جامی FA دەرکراوە و نازناوی جامی کاراباویشی لەدەستدا، ئێستا بە جیاوازی 9 خاڵ پێشەنگە و ئارسیناڵی خاوەن پلەی دووەم یارییەکی زیاتر کردووە.
