یاریگا –
ئەمڕۆ لە یارییەكی دیكەی پرێمەرلیگ و لە دێربی مێرسیساید لیڤەرپوول میوانداری ئێڤەرتن دەكات.
وابڕیارە ئەمڕۆ چوارشەممە كاتژمێر 22:00 بە كاتی كوردستان لیڤەرپوول لە یاریگای ئانفیڵدی تایبەت بە خۆی میوانداری ئێڤەرتن بكات، لە میانی یارییەكانی گەڕی 30 پرێمەرلیگ.
پڕۆفایلی یاری
یاریی رابردوو لە نێوان ئێڤەرتن و لیڤەرپوول بە دوو گۆڵ بۆ هەردوولا بە یەكسان بوون كۆتاییهات.
لیڤەرپوول لە یارییەكانی چامپیۆنزلیگ كراوەتە دەرەوە و نەیتوانی نازناوی جامی كاراباویش بباتەوە و تەنیا پرێمەرلیگی بەدەستەوە ماوە و دەیەوێت هەر زوو بردنەوەی نازناوەكە یەكلایی بكاتەوە.
لەم وەرزەی پرێمەرلیگدا لە 29 یاریی 21 یاریی براوە بووە حەوت یاریی یەكسان بووە و تەنیا یەك یارییش دۆڕاوە.
بە كۆكردنەوەی 70 خاڵ لە پێشەنگی ریزبەندی پرێمەرلیگ دێت.
لە بەرامبەردا ئێڤەرتن لە 29 یاریی حەوت یاریی براوە بووە، سیازدە یاریی یەكسان بووە و نۆ یارییش دۆڕاوە.
بە كۆكردنەوەی 34 خاڵ لە ریزبەندی پازدەی پرێمەرلیگ دێت.
هەواڵی پێكانی یاریزانەكان
لیڤەرپوول بە بێ ئالێكساندەر ئارنۆڵد ، جۆ گۆمێز و كۆنۆر برادلی رووبەرووی ئێڤەرتن دەبێتەوە.
لە بەرامبەردا ئێڤەرتن بە بێ ئێندیای، كالڤێرت لوین ، مانگالا و مەكنێڵ بەرامبەر لیڤەرپوول یاریی دەكات.
پێکهاتەی پێشبینیکراوی لیڤەرپوول
ئالیسن
كوانسا، كۆناتێ، ڤان دایك، رۆبێرتسن
گراڤینبێرخ، ماك ئالیستەر
سەڵاح، سۆبۆسلای، خاكپۆ
جۆتا
پێکهاتەی پێشبینیکراوی ئێڤەرتن
پیكفۆرد
ئۆبرەین، تاركۆوسكی، برانسوەیت، میكۆڵینكۆ
هاریسۆن، گارنەر، گویێ، ئالكاراز
دۆكۆرێ، بێتۆ
