یاریگا –
دواماوەیەک دابڕان لە مەشق و راهێنانی تیپەکە، بریارە ئەمڕۆ یاریزانانی برایەتی بگەڕێنەوە مەشق و راهێنان.
یاریزانانی برایەتی زیاتر لە 20 رۆژبوو بایکۆتی مەشق و راهێنانی تیپەکەیان کردبوو بەهۆی وەرنەگرتنی مووچە و شایستە داراییەکانیان، بەڵام ئەمڕۆ چوارشەممە ( 2ـی نیسانی 2025 ) بریارە یاریزانەکان جارێکی تر بگەڕێنەوە مەشقەکان، تۆڕی وەرزشی یاریگا زانیویەتی کە یاریزانانی برایەتی لە لایەن دەستەی کارگێڕی یانەکەوە بەڵێنیان پێدراوە پێش یارییەکەی سیروانی نوێ بۆ هەر یاریزانێک بڕی 500000 پێنج سەد هەزار دینار وەردەگرن و دواتریش چارەسەری کێشەی مووچەکانی تریان دەکرێت.
دەستەی کارگێڕی برایەتی دەست لەکارکێشانەوەی یونس سلێمانی راهێنەریان قبوڵ نەکرد و راهێنەرەکە ئەمڕۆ ئەرکی مەشقدانەوەی تیپەکە دەست پێدەکاتەوە، یاریزانانی برایەتی زیاتر لە سێ مانگە مووچەیان وەرنەگرتووە و تیپەکەشیان 26 خاڵی هەیە و لە ریزبەندی 10ـەی خولی نایابی کوردستان دێت.
