یاریگا –
یانەی ئەیسی میلان و جواو فێلیکس کۆبوونەتەوە و بڕیار لەبارەی داهاتووی ئەو یاریزانە دراوە بۆ دوای کۆتاییهاتنی وەرزەکە.
فێلیکس لە گواستنەوەکانی زستانە بەشێوەی خواستن لە چێڵسیەوە نێردرایە ریزەکانی میلان، ئەگەرچی لەسەرەتاوە هیوایەکی زۆری لەسەر هەڵچنرا بەتایبەت لەلایەن زڵاتان ئیبراهیمۆڤیچەوە بەوەی پێی وابوو جواو دەتوانێ ببێتە ئەفسانەیەکی رۆسۆنێری، بەڵام وردە وردە لە ئاستی خۆی دوورکەوتەوە و ئێستا بەشێک نییە لە پلانە سەرەکییەکانی سێرجیۆ کۆنسێساوی راهێنەر.
ئیبراهیمۆڤیچ: بڕیاردان لەسەر فێلیکس تەنیا پێنج خولەکی ویست – Yariga
بەگوێرەی دوایین زانیاریی کە فابریزۆ رۆمانۆ بڵاویکردووەتەوە، میلان و فێلیکس دوابەدوای ئەم وەرزە چیتر بەردەوام نابن.
رۆمانۆ ئەوەشی نووسیوە کە وەک پێشتر رایگەیاندبوو، ئەو یاریزانە پۆرتوگالییە دوای کۆتاییهاتنی ماوەی خواستنەکەی هەر دەگەڕێتەوە بۆ بلووز، بەڵام یانەکەی هاوین بارودۆخی جواو هەڵدەسەنگێنێت بۆ دۆزینەوەی یانەیەکی نوێ.
بەپێی زانیارییەکانی ئەو رۆژنامەنووسە ئیتاڵیەی شارەزای بازاڕەکانی گواستنەوەبێت، شوێنێک لە چێڵسی و ژێر سەرپەرشتی ئێنزۆ مارێسکا نەماوەتەوە بۆ یاریزانە 25 ساڵانەکە کە پێشتریش هەر بەخواتسن نێردراوەتە ریزەکانی بارسێلۆنا.
