یاریگا –
دوای ئەوەی واتەرمان گۆڵی بردنەوەی بۆ پەنەما کرد، رایکردە لای تێری هێنری و لەناو ستۆدیۆی شیکردنەوە باوەشی پێدا کرد.
سێسیلیۆ واتەرمان هێرشبەری پەنەما لە قۆناخی پێش کۆتایی خولی نەتەوەکانی کۆنکاکاف کاتێک لە کاتی زیادکراوی یارییەکە بە شووتێکی بەهێز گۆڵی بردنەوەی بەرامبەر ئەمریکا کرد و هەڵبژاردەکەی گەیاندە یاریی کۆتایی، رایکردە لای تێری هێنری هێرشبەری پێشووی فەڕەنسی و لەناو ستۆدیۆیەکە لەباوەشی کرد، یاریزانەکانی دیکەی پەنەماش رایانکردە لای هێنری و لەباوەشیان کرد، واتەرمان هاواری دەکرد و بە هێنری دەگوت ‘تۆ نموونەی باڵای منی، تۆ نموونەی باڵای منی’.
ئاهەنگگێڕانەکەی واتەرمان یەکێک بوو لە سەیروسەمەرەترین ئاهەنگگێڕانەکان، هێنری وەکو شرۆڤەکاری کەناڵی CBS SPORTـی ئەمریکی لەناو یاریگا لە پشتەوەی گۆڵی ئەمریکا ئامادەبوو، واتەرمان دوای گۆڵەکەی راستەوخۆ رایکردە لای تێری.
Forget all that for a second. Watch this and appreciate greatness. Cecilio Waterman scoring the winner for Panama against the USA & showing maximum respect to his idol Thierry Henry 👏🏾pic.twitter.com/TdrbmvrxIi
— ✨👑 DaddyMO👑✨🏁 (@therealdaddymo1) March 21, 2025
دوای یارییەکە کە پەنەما بە گۆڵێکی بێبەرامبەر لە ئەمریکای بردەوە، هێنری لە ستۆدیۆی شیکردنەوەی دوای یارییەکە میوانداریی واتەرمانی کرد، هێرشبەرەکەی پەنەما داوای لە تێری کرد درێسەکەی یارییەکەی بۆ واژۆ بکات و هێنریش بەڵێنی پێدا درێسێکی خۆی لە ئارسیناڵ بە واژۆی خۆی بۆ بنێرێت.
واتەرمان دوای یارییەکە قسەی لەگەڵ هێنری کرد و پێی گوت ‘هەمیشە لێمدەپرسن کێ نموونەی باڵاتە، منیش هەمیشە دەڵێم تێری هێنری، تۆ نموونەی باڵای منی، تۆ نموونەی باڵای منی، من هەمیشە هەوڵمداوە رێچکەی تۆ بگرمە بەر، بۆیە گەیشتوومەتە ئێرە’.
“Last night, they asked me who my childhood idol was, and I said Thierry Henry… I scored, saw you, and knew I had to come say hi.”
Cecilio Waterman shares the story behind his celebration with Thierry Henry and shares what to expect from Panama in the @CNationsLeague final 🇵🇦 pic.twitter.com/gEqdCO4jIj
— Golazo America (@GolazoAmerica) March 21, 2025
هێنری پیرۆزبایی سەرکەوتنی لە واتەرمان کرد و گوتی ‘ئەمە جوانترین ئاهەنگگێڕانە لە ژیانمدا بینیبێتم بەبۆنەی تۆمارکردنی گۆڵێک گێڕا بێت’.
سێسیلیۆ واتەرمان (33 ساڵان) لە یانەیەکی چیلی یاریی دەکات، لەوەتەی ساڵی 2010 درێسی پەنەما دەپۆشێت، بە درێسی هەڵبژاردەکەی لە 42 یاری 12 گۆڵ و ئەسیستێکی کردووە.
رۆژی دووشەممە پەنەما و مەکسیک لە یاریی کۆتایی خولی نەتەوەکانی کۆنکاکاف بەیەک دەگەن.
