فابریگاس لە دێلی ئالی تووڕەیە

سیسک فابریگاس راهێنەری یانەی کۆمۆ توڕەیی خۆی ناشارێتەوە لە دێلی ئالی پاش ئەوەی کارتی سووری بەڕوودا بەرزکرایەوە لە یەکەم یاریدا دوای گەڕانەوەی.

ئالی نزیکەی دوو ساڵە دوورە لە یاریگاکان. دوای تەنها 10 خولەک لە گەڕانەوەی بە کارتی سوور دەرکرا بەهۆی فاوڵێکی توند لە روبن لوفتوس چیکی هاونیشتیمانی لە یاری نێوان کۆمۆ و ئەیسی میلان.

میلان یارییەکەی 2-1 بردەوە و فابریگاس دوای یارییەکە بۆ دازن وتی

هەڵەیەکی گەورە بوو، هەڵەیەک کە نابێت لە یاریزانێکی بە ئەزموونی وەک ئەو ببینرێت. کارتێکی سووری روون بوو و هیچ گازندەیەکم نیە لەو رووەوە. ئالی تیمەکەی نائومێد کرد لە کاتێکی گرنگی یارییەکەدا

میلان دوای سێ شکست، دووهەم بردنەوەی دوای یەکی لە خولی ئیتاڵی تۆمارکرد و بە 47 خاڵ لە پلەی حەوتەمە، کۆمۆش بە 29 خاڵ لە پلەی 13هەمدایە.