ئاکرێ گەڕایەوە رێچکەی سەرکەوتن و زاخۆش لە پێشەنگی خولی نایابی کوردستان نزیکبوویەوە

یاریگا –

دوای چوار یاریی جارێکی تر ئاکرێ گەڕایەوە سەرکەوتنەکان و زاخۆش بە بردنەوەی لە پێشمەرگە هاتە کێبڕکێی نازناوی خولەکە.

لە گەڕی 21ـی خولی نایابی کوردستان، ئاکرێ لە یاریگای خۆی رووبەرووی برایەتی بوویەوە و بە ئەنجامی 2 _ 1 یارییەکەشی لێبردەوە، دوای زنجیرەیەک ئەنجامی خراپ جارێکی تر ئاکرێ بە سەرکەوتن شادبوویەوە، بە 29 خاڵ ئاکرێ هاتە ریزبەندی چوارەم بەشێوەیەکی کاتی، برایەتیش بە 26 خاڵ لە ریزبەندی حەفتەم مایەوە.

زاخۆ لە نێو یاریگای خۆی یاریی لووتکەی 4 _ 2 لە پێشمەرگەی هەولێر بردەوە، بەم سەرکەوتنە زاخۆ لە ریزبەندی سێیەم خاڵەکانی بووە 38 خاڵ و خۆی خستە نێو کێبڕکێی بەدەستهێنانی نازناوی ئەم وەرزەی خولی نایابی کوردستان، پێشمەرگەی هەولێر لە ریزبەندی دووەم مایەوە بە 39 خاڵ، لە ئەگەری سەرکەوتنی شێروانە بەرامبەر هەولێر جیاوازی شێروانە دەبێتە چوار خاڵ لەگەڵ پێشمەرگەی هەولێر.

هەندرێن لە ئەنجامە باشەکانی بەردەوامە و سێیەم سەرکەوتنی بەدوای یەکی تۆمار کرد و 1 _ 0 لە پیشەسازی بردەوە، بە 26 خاڵ هەندرێن لە ریزبەندی هەشتەمە و پیشەسازیش بە 23 خاڵ کەوتە ریزبەندی 12ـەمی خولی نایابی کوردستان.

یارییەکانی سبەی لە خولی نایابی کوردستان