کۆمپانیایەکی تایبەت بە ناوبژیوانی مشتومڕی بڕیارەکانی ناوبژیوانی یاریی بارسا و ڤاییکانۆ یەکلاییکردەوە

کۆمپانیای ئەرکیڤۆ ڤار هەموو شتێک یەکلاییدەکاتەوە

Yariga18/02/2025 - 14:53

یاریگا –

مشتومڕی سەر رووداوەکانی یاریی شەوی رابردووی نێوان بارسێلۆنا و رایۆ ڤاییکانۆ بەردەوامن، بەڵام ئەمجارە کۆمپانیاییەکی تایبەت بە ناوبژیوان هەموو شتێکی یەکلاییکردەوە.

بارسێلۆنا لە گەڕی 24ی لالیگا، بە گۆڵێکی بێوەڵام لە رایۆ ڤاییکانۆی بردەوە و جارێکی دیکە گەڕایەوە پێشەنگایەتی خوولەکە.

یارییەکە چەندین حاڵەتی پڕمشتومڕی ناوبژیوانی بەڕێکرد، لەوانە رەتکردنەوەی گۆڵێکی خۆخێ دی فرۆتوس، یاریزانی رایۆ ڤاییکانۆ.

🔴💥 #NoticiaAV | El CTA considera que la actuación arbitral en el Barcelona – Rayo Vallecano fue “muy correcta”.
▪️ Define como “gestión perfecta” la acción del gol anulado a De Frutos.
✅ Creen que la acción entre Mumin y Héctor Fort es gris y por ello el VAR no intervino. pic.twitter.com/FuLFMcNeAK
— Archivo VAR (@ArchivoVAR) February 18, 2025

ماریۆ میلێرۆ لۆپێز، ناوبژیوانی یارییەکە، گۆڵەکەی بە بیانووی پێکدادانی ئێنتیکا، یاریزانی رایۆ ڤاییکانۆ لەگەڵ ئینیگۆ مارتینێز، بەرگریکاری بارسێلۆنا رەتکردەوە.

کۆمپانیای ئەرکیڤۆ ڤار، تایبەت بە ناوبژیوانی و هەڵسەگاندنی ئاستی ناوبژیوانانی ئیسپانیا دووپاتیدەکاتەوە، تەواوی بڕیارەکانی میلێرۆ لۆپێز، ناوبژیوانی یارییەکە دروستبوون.

لە روونکردنەوەی کۆمپانیاکەدا هاتووە

لیژنەی تایبەتی ئێمە گەیشتووەتە ئەو بڕوایەی، ئاستی ناوبژیوانی یاریی بارسێلۆنا و رایۆ ڤاییکانۆ زۆر دروستبوون. گۆڵەکەی دی فروتۆسی زۆر بەتەواوی رەتکردەوە و بەباشی مامەڵەی لەگەڵدا کرد. پێکدادانی نێوان موومین و هێکتۆر فۆرت روونبوو و پێویستی بە پێداچوونەوەی ڤار نەبوو.

شارەزایەکی ناوبژیوانی مشتومڕی سەر بڕیارەکانی ناوبژیوانی یاریی بارسێلۆنا و ڤاییکانۆ یەکلاییدەکاتەوە

دوای ئەوەی ئاتلێتیکۆ مەدرید و ریال مەدرید دەرفەتی بەدەستهێنانی سێ خاڵی یارییەکانیان خۆیان لەدەستدا، بارسێلۆنا جارێکی دیکە گەڕایەوە پێشەنگایەتی لالیگا.