یاریگا –
بۆڕووسیا دۆرتموند شوێنگرەوەی نوری شاهین دەستنیشان دەکات.
هەفتەی رابردوو دۆرتموند بەهۆی ئەنجامە خراپەکانی نوری شاهینی لە پۆستی راهێنەرایەتی تیپەکەی دوورخستەوە.
شەوی رابردوو لە کۆتا یاریی قۆناخی یەکەمی چامپیۆنزلیگ، دۆرتموند لە سیگناڵ ئیدونا پارک میوانداری شاختاری کرد و 3-1 یارییەکەی بردەوە. پلەی دەیەمی بەدەستهێنا و چووە قۆناخی پلەی ئۆفی پاڵەوانێتییەکە.
پاش یارییەکە لارس ریکن، بەڕێوبەری وەرزشی دۆرتموند پشتڕاستیکردەوە لەگەڵ نیکۆ کۆڤاچی ئەڵمانی گەیشتوونەتە رێککەوتن و لە شوێنی نوری شاهین دەبێتە راهێنەری نوێی یانەکە.
🚨🟡⚫️ Nico Kovać has signed in as new Borussia Dortmund head coach until June 2026.
Contract signed and then club announcement to follow today, as Lars Ricken confirmed. pic.twitter.com/orBh3azJUA
— Fabrizio Romano (@FabrizioRomano) January 30, 2025
رۆشی شەممە دۆرتموند لە یارییەکانی گەڕی 20ـی بۆندسلیگا دەبێتە میوانی هێدینهایم. لارس ریکن ئاماژەی بەوەش کردووە مایک تولبێرگ تاوەکو یارییەکەی رۆژی شەممەش وەک راهێنەری کاتی یانەکە دەمێنێتەوە.
نیکۆ کۆڤاچ لە رۆژی یەکشەممەوە وەک راهێنەری نوێی زەردەواڵەکانی ئەڵمانیا دەستبەکار دەبێت و لە گەڕی 21ـی بۆندسیلگا بەرامبەر شتوتگارت سەرپەرشتی تیپەکە دەکات.
هاوکات بەگوێرەی زانیارییەکانی فابریزۆ رۆمانۆ، ئەمڕۆ کۆڤاچ گرێبەستەکەی لەگەڵ دۆرتموند واژۆ دەکات و تاوەکو 2026 دەبێتە راهێنەری یانەکە.
