ئێستا؛ یەکەم گرێبەستی سەردەمی ئامۆریم راگەیەندرا
یاریگا –
مانچێستەر یونایتد کڕینەکانی دەستپێکرد و یەکەمین گرێبەستی دوای هاتنی روبن ئامۆریم راگەیەندرا.
بە هاتنی راهێنەرە پۆرتوگالییەکە کە چەند هەفتەیەک دوای دەستپێکی وەرزەکە لە سپۆرتینگەوە گواسترایەوە بۆ مان یو، ئەو یانە ئینگلیزیە چاوی لە نوێکردنەوەی تیمەکەیە. ئەوەش بە هێنانی یاریزانی نوێ و بەڕێکردنی نیوەی زیاتری یاریزانەکانی ئێستای.
بەگوێرەی هەواڵێک کە تۆزێک پێش ئێستا فابریزۆ رۆمانۆ بڵاویکردەوە، مان یونایتد و یانەی لێچی گەشتوونەتە رێککەوتنی زارەکیی بۆ گواستنەوەی پاتریک دۆرگو. بڕیارە لە ماوەی 24 کاتژمێردا هەموو بەڵگەنامەکان واژۆبکرێن.
وەک رۆمانۆ زانیویەتی، بەهای گواستنەوەی یاریزانە دانیمارکیەکە 30 ملیۆن یۆرۆیە لەگەڵ 5 ملیۆنی دیکەی گۆڕانکارییەکان.
رۆمانۆ ئەوەشی نووسیوە کە لە چەند رۆژی رابردوودا گرێبەستێکی ماوە درێژ لەگەڵ یاریزانە 20 ساڵانەکەی بەگری لای چەپ رێککەوتنی لەسەرکراوە.
🚨🔴 Patrick Dorgu to Manchester United, here we go! Verbal agreement in place with Lecce, documents to be checked in next 24h.
Fee will be €30m plus €5m in add-ons not guaranteed.
Long term contract agreed days ago with the player…
…and first signing for Rúben Amorim. 🤝🏻 pic.twitter.com/YZkKX4YnHp
— Fabrizio Romano (@FabrizioRomano) January 28, 2025
هەر ئەمڕۆ تۆڕی وەرزشی یاریگا پشتبەست بە زانیاریی سەرچاوە باوەڕپێکراوەکانی هەواڵ، بە وردی بابەتی گواستنەوەی دۆرگوی لە رووماڵی هەواڵەکای رۆژانەدا بۆ خوێنەرانی خستەڕوو.
دوایین پەرەسەندن؛ گفتوگۆکانی مانچێستەر یونایتد و دۆرگو بەکوێ گەیشتووە؟
