چابی ئاڵۆنسۆ لە گواستنەوەی یاریزانێکی مانچێستەر سیتی نزیکدەبێتەوە
"سەرقاڵی گفتوگۆن"
یاریگا –
هەوڵەکانی بایەر لیڤەرکوزن بۆ گواستنەوەی یاریزانێکی مانچێستەر سیتی دەستپێدەکەن.
رۆژنامەنووسی شارەزە لە بازاڕی گواستنەوەی یاریزانان فابریزۆ رۆمانۆ بڵاویکردووەتەوە، بایەر لیڤەرکوزن پەیوەندی بە مانچێستەر سیتی کردووە تاوەکو لە مێرکاتۆی زستانە جەیمس ماکاتی بگوازێتەوە ریزەکانی.
رۆمانۆ ئاماژەی بەوەش کردووە، یانە ئەڵمانییەکە دەیەوێت بەشێوەی خواستن و لەگەڵ بژاردەی بە هەمیشەیی کردنی گرێبەستەکە، گرێبەست لەگەڵ جەیمسی لاو واژۆ بکات.
🚨⚫️🔴 EXCL: Bayer Leverkusen have approached Man City to sign James McAtee.
Loan + option offered to City; Xabi Alonso, huge fan as he’s 1st choice to replace injured Terrier.
❗️ Man City and Pep Guardiola are reluctant to let him go as feel he can become a regular starter. pic.twitter.com/Z610Z5D5JX
— Fabrizio Romano (@FabrizioRomano) January 27, 2025
چابی ئاڵۆنسۆی ئیسپانی و راهێنەری یانەکە بە تواناکانی جەیمس سەرسامە، داوای لە یانەکەی کردووە لەم زستانە گرێبەستەکە یەکلایی بکەنەوە.
ناوەڕاستکارە 22 ساڵانییەکە لە ئەکادیمیای مانچێستەر سیتی پێگەیشتووە، لەم وەرزە بەشداریی 14 یاریی یانەکەی کردووە و 5 گۆڵی کردووە.
