بۆمب؛ محەمەد سەڵاح لیڤەرپوول جێدەهێڵێت

یاریگا –

دواکەوتنی نوێکردنەوەی گرێبەستی محەمەد سەڵاح، لە لیڤەرپوول، گومانی زۆری دروستکردووە، بەڵام ئێستا گۆمەکە بەتەواوی شڵەقا.

تورکی ئال شێخ، سەرۆکی دەستەی ئاسوودەیی سعوودیە، وێنەیەکی سەڵاحی بە درێسی هیلالی سعوودی بڵاوکردووەتەوە و گومانێکی گەورەی دروستکردووە.

ئال شێخ لە پلاتفۆڕمی ئێکس، وێنەیەکی سەڵاحی بە درێسی هیلال بڵاوکردووەتەوە لەگەڵ دانانی سێ ئیمۆجی، ئەمەش کاردانەوەی گەورەی دروستکردووە.

گرێبەستی سەڵاح لە کۆتایی ئەم وەرزە لە لیڤەرپوول بەسەردەچێت و تاوەکو ئێستا لیڤەرپوول هیچ لێدوان و روونکردنەوەی لەسەر نوێکردنەوەی گرێبەستە ئەستێرە میسڕییەکە ئاشکرا نەکردووە.

لە هاوینی رابردوودا، ناوی سەڵاح بە پەیوەندیکردن بە ئیتیحادی سعوودی بەسترابووەوە، بەڵام لە کۆتاییدا لە قەڵای ئانفیڵد مایەوە.