یاریگا –
بەلێن فایەق مالئاوایی لە چوارقوڕنە دەکات و دەڵێت هۆکاری ئەنجامە خراپەکانی یانەکە منم.
دوای یەکسان بوونەکەی ئەمڕۆیان بەرامبەر شێروانە لە گەڕی 13ـەی خولی نایابی کوردستان، بەڵێن فایەق هێرشبەری چوارقوڕنە بە کۆمێنتێک رۆیشتنی خۆی لە یانەکە رادەگەیەنێت، هێرشبەرەکەی چوارقوڕنە نوسیویەتی ” داوای لێبوردنتان لێدەکەم، کێشەی یانەکە منم و ئەم دوو یارییە کۆتا یارییمە، هیوادارم قۆناخی دووەم ئەنجامی شایستە بە دەستبهێن” بەڵێن ئەمڕۆ لە خولەکی 6ـی یارییەکە لێدانێکی سزای بۆ چوارقوڕنە لە دەستدا.
بە گوێرەی بە دواداچوونەکانی تۆڕی ورزشی یاریگا بەڵێن نزیکە جارێکی دیکە بگەڕێتەوە سەید سادق، بەڵێن فایەق لە وەرزی 2023 _ 2024 لە سەید سادقەوە پەیوەندی بە چوارقوڕنە کرد، وەرزی 2022 _ 2023 نازناوی گۆڵکاری خولی نایابی کوردستانی وەرگرت کە توانیبووی 14 گۆڵ تۆمار بکات.
