یاریگا –
ئیڤانڵسن، هێرشبەری بۆرنمس بەهۆی نەشتەرگەری لە پاژنەی پێی بۆ ماوەیەک دووردەکەوێتەوە.
یاریزانی تەمەن 25 ساڵان، یەکێک لە دیارترین ئەستێرەکانی ئەم وەرزەی بۆرنمس و لە یاریی رابردوو بەرامبەر ئێڤەرتن، تووشی پێکان بوو و لە خوولەکی 82 فیلیپ بیڵینگ شوێنیگرتەوە.
یانەکەی باشووری بەریتانیا لە بەیاننامەیەکدا روونیکردووەتەوە، نەشتەرگەرییەکی سەرکەوتوو بۆ ئیڤانڵسن کرا، ئەمەش دوای شکانی ئێسکێکی پاژنەی پێی. تیمی پزیشکی بە باشترین شێوە پاڵپشتی ئیڤانڵسن دەکەن.
ئیڤانڵسن دوو یاریی نێودەوڵەتی بۆ هەڵبژاردەی بەڕازیل کردووە، لە هاوینی رابردوو بەبڕی 47 ملیۆن یۆرۆ لە پۆرتۆوە پەیوەندی بە بۆرنمس کرد.
لەم وەرزەدا لە کۆی 20 یارییدا پێنج گۆڵی بۆ تیمەکەی ئاندۆنی ئیراولا کردووە.
یاریی داهاتووی بۆرنمس لە قۆناخی سێیەمی جامی یەکێتیی ئینگلتەرایە بەرامبەر وێست بڕۆمیچ ئالبیۆن.
