یاریگا –
لیستی پێکراوەکانی ئارسیناڵ درێژتردەبێتەوە و تازەش گورزێکی دیکە بەر یانە لەندەنیەکە کەوت.
ئارسیناڵ پێشتر بەهۆی پێکانەوە لە خزمەتەکانی بوکایۆ ساکۆ، بین وایت، تۆمیاسۆ و رەحیم ستێرلینگەوە بێبەشبوو. ئەم جارە ئسان نوانێریشی هاتەسەر.
گەوهەرە ئینگلیزیەکە لە یاری رابردووی تۆپچیەکاندا بەرامبەر برایتن کە توانی گۆڵی دەستپێشخەریی یانەکەی بکات، لە خولەکی 45 بەهۆی کرژبوونی ماسوولکەوە یاریگای جێهێشت و مارتینێلی جێگەی گرتەوە.
ئەمڕۆ میکێل ئارتێتا لە کۆنفرانسی رۆژنامەوانی پێش یارییەکەی سبەینێیان لە چوارگۆشەی زێڕین لە جامی کاراباو بەرامبەر نیوکاسڵ، پێکانی ئەو لاوە 17 ساڵانەی پشتڕاستکردەوە و راگەیاند کە نوانێری بۆ ماوەی چەند هەفتەیەک دووردەکەوێتەوە. هاوکات راهێنەرە ئیسپانییەکە جۆری پێکانی ئەو یاریزانەی ئاشکراکرد کە لە ماسوولکەکانیدایە.
نوانێری کە لە پێگەی ناوەراستی هێرشبەریی یاریی دەکات، بەرهەمی ئەکادیمیای یانەکەیە و چاوەڕوانی داهاتوویەکی درەوشاوەی لێدەکرێت.
بەرامبەر برایتن دووەم یاریی ئیسان بوو وەک سەرەکیی لە یارییەکانی پرێمەرلیگ بەشداریی پێبکرێت. تا ئێستا 2 گۆڵی هەیە. لە جا لە 3 یاریدا خاوەنی 3 گۆڵە.
🚨 Ethan Nwaneri has suffered a muscular injury 🤕
Mikel Arteta says the Arsenal youngster will be ‘out for a few weeks’ 💔 pic.twitter.com/SfhQ7Lb5kG
— LiveScore (@livescore) January 6, 2025
