پاتریک کلۆیڤێرت دەبێتە راهێنەری ئیندۆنیزیا
یاریگا –
پاتریک کلۆیڤێرت ئەستێرەی پێشووی بارسێلۆنا و هۆڵەندا بۆ ماوەی دوو ساڵ دەبێتە راهێنەری هەڵبژاردەی ئیندۆنیزیا.
فابریزیۆ رۆمانۆ رۆژنامەنووسی ئیتاڵی ئاشکرایکردووە، پاتریک کلۆیڤێرت ئەستێرەی پێشووی هەڵبژاردەی هۆڵەندا و یانەی ئارسیناڵ لەگەڵ فیدراسیۆنی تۆپی پێی ئیندۆنیزیا گەیشتووەتە رێککەوتن، بۆ ماوەی دوو ساڵ دەبێتە راهێنەری هەڵبژاردەی ئیندۆنیزیا.
بەگوێرەی بەندێکی گرێبەستەکەی کلۆیڤێرت، دەتوانرێت بۆ ماوەی دوو ساڵی دیکەش گرێبەستەکەی درێژ بکرێتەوە، ئامانجی سەرەکی کلایڤێرت گەیاندنی ئیندۆنیزیایە بۆ مۆندیالی 2026.
🚨🇮🇩 Patrick Kluivert set to sign as new Indonesia head coach, deal done.
2 years plus 2 years option, presentation to take place on January 12 in Indonesia.
The goal is to reach the World Cup qualification. pic.twitter.com/TWdqhN2eCW
— Fabrizio Romano (@FabrizioRomano) January 6, 2025
کلۆیڤێرت (48 ساڵان) پێشتر راهێنەرایەتی ئەدەنە دەمیرسپۆری تورکی و ئەکادیمیای یانەی لیڤەرپوول و یاریدەدەری راهێنەری هەڵبژاردەی کامیڕۆن و هۆڵەندا بووە، وەکو راهێنەری ئەدەنە لە تورکیا لە 20 یاری 8 بردنەوە و 6 یەکسان و 6 دۆڕانی بەدەستهێناوە کە بۆ ماوەی 156 رۆژ راهێنەرایەتی ئەو یانەیەی کرد.
ئیندۆنیزیا لە پاڵاوتنەکانی ئاسیا بۆ مۆندیالی 2026 لە قۆناخی کۆتایی لە کۆمەڵەی سێیەم بە کۆکردنەوەی 6 خاڵ لە پلەی سێیەم دێت، کە ژاپۆن بە کۆکردنەوەی 16 خاڵ پێشەنگی کۆمەڵەکەی گرتووە و ئوسترالیا بە 7 خاڵ پلەی دووەمی گرتووە و سعوودیەش بە 6 خاڵ پلەی چوارەمی گرتووە.
