
یاریگا –
سزای جۆن دورانی هێرشبەری ئاستۆن ڤیلا راگەیەندرا و بەهۆیەوە یانەکە گورزێکی کاریگەری بەردەکەوێت.
دوارن لە گێمی یەکەمی یاریی رابردوویاندا بەرامبەر نیوکاسڵ بەهۆی فاوڵێکی ئەنقەستەوە لە دژی فابیان شاری یاریزانی بەرامبەر، بە کارتی سوور کرایەدەرەوە و یەکێتی تۆپی پێی ئینگلتەراش بۆ 3 یاریی ئەو هێرشبەرە کۆڵۆمبیەی سڕکرد.
وەک لە تۆڕی هەواڵی BBC بڵاوکراوەتەوە، ئاستۆن ڤیلا لەپێناو سڕینەوە یاخود کەمکردنەوەی سزای ئەو چەکە کاریگەرەیان، تانەی لە بڕیارەکەدا، بەڵام دواجار سزاکە وەک خۆی مایەوە و جۆن ناتوانێت لە سێ یاریی داهاتوویان لە پرێمەرلیگ بەشداریی بکات.
ئەو رووبەڕووبوونەوانەی ڤیێلا بەبێ گۆڵکارەکەیان دەچێتە مەیدان بریتیە لە یانەکانی برایتن، لێسیەر سیتی و ئێڤەرتن.
کوڕانی ئونای ئێمری بە قورسی بە نیوکاسڵ دۆڕان کاتێک 3-0 خاوەن ماڵ گۆڵبارانی کردن.
هێرشبەرە کۆڵۆمبیەکە کە زستانی 2023 گواسترایەوە بۆ ریزەکانی ئاستۆن ڤیلا، ئەم وەرزە ئاستێکی نموونەیی پیشاندەدات و چاوی گەورەکانی ئەورووپای بۆ لای خۆی راکێشتووە. بەجۆرێک، لە 18 یاریی پرێمەرلیگ توانیویەتی 7 گۆڵ و، لە لە چامپیۆنزلیگیش لە 6 بەشدارییدا 3 گۆڵ و لە تەنها 2 یاریی جامی کاراباو 2 گۆڵ تۆماربکات.
لە چەند رۆژی رابردوودا زانیارییەکان باسیان لە گفتوگۆی نێوان پاریس و ئاستۆن ڤیلا دەکرد بۆ گواستنەوەی دوران بۆ پایتەختی فەڕەنسا.
پاریس لەگەڵ ئاستۆن ڤیلا لە گفتوگۆدایە بۆ گواستنەوەیەکی گەورە – Yariga