پاڵەوانی جامی هەرێمی کوردستان یەکەم سەرکەوتنی لە خولی نایاب تۆمار کرد

یاریگا –

هەندرێن یەکەم سەرکەوتنی لە خولی نایابی کوردستان بۆ ئەم وەرزە بەرامبەر شەقڵاوە تۆمار کرد.

لە گەڕی نۆیەمی خولی نایابی کوردستان،دوای هەشت یاریی و چوار سەرکەوتن و چوار شکست، هەندرێن پاڵەوانی وەرزی رابردووی جامی هەرێمی کوردستان یەکەم سەرکەوتنی لەم وەرزە بە دەستهێنا و 3 _ 0 لە شەقڵاوەی بردەوە، بەم سەرکەوتنە هەندرێن خاڵەکانی بووە 7 خاڵ و هاتە ریزبەندی 13ـەم.

پیشەسازی دوای سەرکەوتنە بەردەوامەکانی لە سەرەتای وەرزی خولەکە، چوار یارییە تامی سەرکەوتنی نەکردووە، ئەمڕۆش لە یاریگای خۆی بە گۆڵێک لەگەڵ سەید سادقی دواوەی ریزبەندی یەکسان بوو، پیشەسازی 15 خاڵی هەیە بە شێوەیەکی کاتی لە ریزبەندی سێیەم دێت.

رانیە نەیتوانی سوود لە کەمی یاریزانانی رزگاری وەربگرێت کاتێک لە خولەکی 52ـی یارییەکەوە گۆڵپارێزی رزگاری بە کارتی سوور دەرکرابوو، یاریەکەش بە هەمان ئەنجامی گێمی یەکەم 1 _1 بە یەکسان بوون کۆتایی هات.

یارییەکانی سبەی لە خولی نایابی کوردستان