یاریگا –
كاردانەوە جیهانییەكان دوای بردنەوەی خەڵاتی زە بێست لەلایەن ڤینیسیۆس جونیۆر ئەستێرەی بەڕازیلی یانەی ریال مەدریدی ئیسپانیەوە.
شەوی رابردوو لە دەوحەی پایتەختی قەتەر رێورەسمی خەڵاتەکانی زە بێست بەڕێوەچوو، ڤینیسیۆس لەلایەن فیفاوە خەڵاتی باشترین یاریزانی جیهانی بۆ ساڵی 2024 پێبەخشرا.
🏆 Premio #TheBest al Jugador de la FIFA 2024
👉 @ViniJr pic.twitter.com/ksNV4fkI0z— Real Madrid C.F. (@realmadrid) December 17, 2024
پیرۆزبایی ئەستێرەكانی رابردوو ئێستای تۆپی لە ڤینیسیۆس جونیۆر:
رۆناڵدۆی دیاردە:
هاوڕێكەم هەوڵیاندا بێهیوات بكەن، هەمیشە بەردەوام بوویت لە سەماكردن، باشترین یاریزانی ئێستای جیهان رەشپێست و بەڕازیلییە.
ریكاردۆ كاكا:
ئەوە چ خۆشییەكە كە یاریزانێكی دیكەی بەڕازیلی لە لایەن فیفاوە وەک باشترین یاریزانی جیهان هەڵبژێردرا.
ریڤاڵدۆ:
پیرۆزە خەڵاتی شایستە بۆ باشترین یاریزانی جیهان، لە ساڵی 2024 تۆپی پێیەكی بێ كەموكوڕیت كرد، بە بەهرەكەت هەمووانت شۆك كرد، ئەم دانپێدانانە دەرئەنجامی هەوڵ و خۆبەخشی و تێپەڕاندنی سەختییەکانتانە. توانیت ئەو خەڵاتە بەدەست بهێنیت کە هەموو یاریزانەکان ئارەزووی دەکەن. چێژ لەم ساتە تایبەتە وەربگرە و سوپاسی خودا بکە کە ئەم ساتەوەختە جوانەی لە ژیانتدا پێبەخشیویت.
مارسێلۆ:
بە ئارامگرتن، ماندوییەتی، خۆبەخشی، ئیمان و خۆشەویستی تۆ بەدەستتهێنا ئەی كوڕە گەورەكە، پیرۆزباییت لێدەكەم بۆ بەدەستهێنانی دەستكەوتێكی دیكەی گەورە، دڵخۆشین كە دەبینین بەو زەردەخەنە گەورەیە دەدرەوشێیتەوە و گەشە دەكەیت.
كیلیان ئێمباپێ:
تۆ شایەنی ئەوەیت براكەم.
جود بێڵینگهام:
بە سادەیی تۆ باشترینیت.
ئاردا گولەر:
تۆ باشترینیت.
فێدێریكۆ ڤاڵڤێردی:
پیرۆزە براكەم، شانازیت پێوە دەكەم.
گابریێل:
تۆ شایەنی ئەوەیت.
كەریم بێنزێما:
ژمارە یەک.
