یاریگا –
خۆزێ مۆرینیۆی پۆرتوگالی، راهێنەری فێنارباهچێی تورکی، بابه‌تی په‌یوه‌ندیكردنی رۆناڵدۆی به یانه‌كه‌ی یه‌كلایی كرده‌وه.
مۆرینیۆ پێشتر لە یانەی ڕیال مەدرید راهێنه‌ری رۆناڵدۆ بووه، به‌یه‌كه‌وه نازناوی خولی ئیسپانی و جامی پاشای ئیسپانیا و جامی سوپەریان بەدەستهێناوە.
مۆرینیۆ له‌باره‌ی په‌یوه‌ندیكردنی رۆناڵدۆ به یانه‌كه‌ی گوتی، کریستیانۆ رۆناڵدۆ نایەته فێنارباهچێی ، هه‌روه‌ها من سێ هێرشبەری باشم هەیە و پێویستم بە هێرشبەرێکی تر نییە.
🚨❌ José Mourinho: “Cristiano Ronaldo will not come to Fenerbahce. I’ve three good strikers and I don’t need another one”.
“Cristiano will always be Cristiano, but I don’t want him because I’m satisfied with my strikers”. pic.twitter.com/4VBipVHFwg
— Fabrizio Romano (@FabrizioRomano) December 7, 2024
ئاماژەی بەوەشکرد، کریستیانۆ هه‌ر کریستیانۆ دەبێت، بەڵام من ئەوم ناوێت، چونکە لە هێرشبەرانی تیپەکەم ڕازیم.
ئەمە یەکەمجار نییە کە مۆرینیۆ وەڵامی هەواڵی نزیکبوونەوەی دۆن بۆ فێنارباهچێی دەداتەوە ، وەک پێشتر رایگه‌یاندبوو، له‌وانه‌یه کریستیانۆ بێتە ئەستەنبوڵ بۆ خواردن، چونکە دەکەوێتە نیوەی ڕێگای نێوان سعودیە و پۆرتوگال، یان له‌وانه‌یه ئەویش بێت سەردانی هاوڕێ کۆنەکەی خۆسێ بكات و لە هۆتێلەکەمدا ژه‌مێك بخۆین.
یانەی فێنارباهچێی به كۆكردنه‌وه‌ی 32 خاڵ پلەی دووەمی ڕیزبەندی خولەکانی تورکیای گرتووه و سێ خاڵ لەدوای گەلاتەسەرای پێشەنگە.
