هەندرێن قوربانیەکی تری پیشەسازی بوو، ئاکرێش برینی برایەتی قوڵتر کرد

یاریگا –

هەندرێن بەردەوامە لە ئەنجامە خراپەکانی و ئاکرێش جارێکی تر گەڕایەوە رێچکەی سەرکەوتن.

لە گەڕی شەشەمی خولی نایابی کوردستان، پیشەسازی بەردەوامە لە ئەنجامەباشەکانی و ئەمجارەیان هەندرێن بووە قوربانی، پیشەسازی 1 _ 0 لە هەندرێنی بردەوە و کۆی خاڵەکانی گەیاندە 13 خاڵ لە پێنج یاریی و هەندرێنیش دوو خاڵی هەیە و لە ریزبەندی 14ـەم دێت.

دێڕبی دەڤەری راپەرین لە نێوان چوارقوڕنە و رانیە بە گۆڵێک کۆتایی هات، بەپێی بریاڕێکی یەکێتی تۆپی پێی کوردستان یارییەکە بەبێ هاندەر بەرێوە چوو، چوارقوڕنە تا ئێستا هیچ سەڕکەوتنێکی لە خولەکە بە دەست نەهێناوە و تەنها 3 خاڵی هەیە لە پێنج یارییدا و لە ریزبەندی 12ـەم دێت، رانیە حەفت خاڵی هەیە و لە ریزبەندی نۆیەمی خولەکەیە.

ئاکرێ جارێکی تر گەڕایەوە سەرکەوتن و برینی برایەتی قوڵترکرد، بە تاکە گۆڵی سەڵاح حەسەن ئاکرێ لە یاریگای برایەتی سەرکەوت و بووە خاوەنی نۆ خاڵ لە چوار یارییدا و لە ریزبەندی پێنجەم دێت، برایەتی دوای لێ سەندنەوەی سێ خاڵی گەڕی رابردوو بە هۆی پەڵپی پێشمەرگەی هەولێر، کۆی خاڵەکانی کرایەوە حەفت خاڵ و لە ریزبەندی هەشتەم جێگیر بوو.

یارییەکانی سبەی لە خولی نایابی کوردستان