یاریگا –
بالۆتێلی بە خراپترین یاریزانی سێریا ئەی دەستنیشانکرا و خەڵاتی بەرازی زێڕینی پێبەخشرا.
بەرنامەی بەناوبانگی ‘Striscia la Notizia’ لە کەناڵی مێدیاسێتی ئیتاڵی کە هەفتانە خراپترین یاریزانی سێریا ئەی دەستنیشان دەکات، دوێنێ هەینی (23ـی نۆڤێمبەری 2024) خەڵاتی بەرازی زێڕینی بە ماریۆ بالۆتێلی هێرشبەری جێنەوا دا، کە ئەم وەرزە گەڕاوەتەوە سێریا ئەی.
Tapiro d’oro a Mario Balotelli arrivato al Genoa poco prima di Patrick Vieira (che l’aveva aspramente criticato ai tempi del Nizza)
Al link il video completo: https://t.co/Nh0LnK2YzN#Striscialanotizia @VStaffelli #ValerioStaffelli #MarioBalotelli pic.twitter.com/jTgn1oESaN— Striscia la notizia (@Striscia) November 22, 2024
بالۆتێلی لەوەتەی گەڕاوەتەوە سێریا ئەی، دوو یاریی بە درێسی جێنەوا کردووە و 22 خولەک یاریی کردووە، لەو دوو یارییە هیچ گۆڵ و ئەسیستێکی نییە، بەڵکو دوو کارتی زەردی بەڕوودا بەرزکراوەتەوە، کەم لە یەکەم یاریی تەنیا بدوای چوار خولەک کارتێکی زەردی وەرگرت.
بالۆتێلی لەکاتی وەرگرتنی خەڵاتەکە، دەڵێت ‘پێویستە ئەم خەڵاتە بە پاتریک ڤیێرا بدرێت، نەوەک من’. وەکو هێمایەک بۆ راهێنەرە نوێیەکەی یانەکەی.
خەڵاتی بەرازی زێڕین پێشتر بە چەندان یاریزانی دیکەی بەناوبانگی وەکو رۆناڵدۆی دیاردە، زڵاتان ئیبراهیمۆڤیچ و ئالێکساندەر دێل پیێرۆ دراوە.
