کاپتنی ئاڕاڕات پەیوەندی بە یانەیەکی شاری هەولێر کرد و دلۆڤان شینۆش لە پیرمام مایەوە

یاریگا –

دلۆڤان شینۆ یاریزانی ئاڕاڕات بە فەرمی پەیوەندی بە پێشمەرگەی هەولێر کرد و شەوکەت محەمەدیش چووە شەقڵاوە.

دوای کشانەوەیان لە خولی نایابی کوردستان، یاریزانانی ئاڕاڕات ریزی تیپەکەیان جێهێشت، عەلی عەزیز کاپتن و ناوەراستکاری ئاڕاڕات بە فەرمی لەگەڵ پیشەسازی گەیشتۆتە رێککەوتن و سبەی یەکەم یەکەی مەشقی لەگەڵ یانەکەی شاری هەولێر دەکات.

دلۆڤان شینۆی ناوەراستکاریش هەر لە پیرمام دەمێنێتەوە و  گرێبەستی لەگەڵ پێشمەرگەی هەولێر واژۆ کردووە، شەوکەت محەمەد ئەستێرەی وەرزی رابردووی ئاڕاڕات بە گرێبەستێکی یەک وەرزە پەیوەندی بە شەقڵاوە کردووە.

ئاڕاڕات بە هۆی کێشەی داراییەوە نەیتوانی بەشداری وەرزی نوێی خولی نایابی کوردستان بکات، یەکێتی تۆپی پێی کوردستان ماوەی 72 کاتژمێری بە یاریزانانی ئاڕاڕاتدا بۆ ئەوەی گرێبەست لەگەڵ یانەی دیکە واژۆبکەن.