یاریگا –
جۆزێ مۆرینیۆ دەربازی نەبوو لە سزا چاوەڕوانکراوەکان بەهۆی ئەو لێدوانانەی لە چەند رۆژی رابردوودا دابووی.
جۆزێ لە کاتی یارییە دراماتیکیەکەی رابردوویان بەرامبەر ترابززۆن سپۆر لە خولی تورکی کاتێک دوو لێدانی سزا لەسەر فەنەرباچێ هەژمارکرا و ئەنجامەکەیان یەکسانکردەوە تا لە خولەکی 12+90 لە رێگەی سوفیان ئامرابات گۆڵی بردنەوەیان تۆمارکرد، هەڵسا بە ئاهەنگگێڕانی شێتگیرانە و دوای یارییەکەش بە لێدوانەکانی رەخنەی توندی لە ناوبژیوانەکان گرت.
ئەو تۆمەتانەی راهێنەرە پۆرتوگالیەکەی پێ سزادرا بریتی بوون لە
“هەڵسوکەوتی ناوەرزشی دژی هاندەرانی یانەی دژبەر. کەمکردنەوەی بەهای تۆپی پێی تورکی و شێواندنی شکۆی ناوبژیوان و دادوەرەکانی یاریی بەگشتی”
بەهۆی سزاکەوە، راهێنەرەکەی فەنەرباچێ بۆ یارییەک راگیراوە و بڕی 18 هەزار دۆلاریش پێبژاردنی ماددی بەسەردا سەپێنراوە.
Jose Mourinho fined and given one-match ban for comments on Turkish referees https://t.co/FcvNGcrss1 pic.twitter.com/qZNsIkn6ki
— The Independent (@Independent) November 9, 2024
یانەکەی مۆرینیۆ لە خولی سوپەرلیگی تورکی لە پلەی سێیەم دێت دوای یانەکانی گالاتاسەرای و سامسون سپۆر.
