یاریگا –
سەمیر نەسڕی نزیکدەبێتەوە لە یەکەم تاقیکردنەوەی بواری راهێنەرایەتی و لە یانەیەکی وڵاتەکەیەوە دەستپێدەکات.
نەسڕی ناوێکی دیاری تۆپی پێی فەڕەنسا و ئەورووپایە کە بۆ یەکەم جار لە ساڵی 2004 لە یانەی مارسیلیاوە کاروانی یاریکردنی دەستیپێکرد تا وازهێنانی لە یاریکردن لە یانەی ئەندەرلەختی بەلجیکی لە ساڵی 2020، زۆر یانەی ناوداری وەک ئارسیناڵ، مانچێستەر سیتی سێڤیای تاقیکردەوە. ئەوە جگە لە یانەکانی ئەنتاڵیا سپۆری تورکی و وێستهامی ئینگلیزی.
بەگوێرەی زانیارییەکان لە فەڕەنساوە، سەمیر دەبێتە یاریدەری خۆخی سامپاولی راهێنەری ئەرجەنتینی لە یانەی رینی فەڕەنسی.
.@SamNasri19 Adjoint de Sampaoli à Rennes… c’est dans les papiers !! #SRFC
— Mohamed TOUBACHE-TER (@MohamedTERParis) November 7, 2024
نەسڕی کە لە ساڵی 2008-2013 درێسی کەڵەشێرەکانی پۆشی، پێشتر ئەزموونی هیچ یانەیەکی نەکردووە بۆ کاری راهێنەرایەتی یاخود یاریدەری راهێنەرایەتی. هەربۆیە دەچێتە تاقیکردنەوەیەکی قورسەوە بە وەرگرتنی ئەو پۆستە نوێیە بەوپێیەی یانەی رین بە ماوەیەکی خراپدا گوزەردەکەن و لە پاش 10 هەفتە لە یارییەکانی خولی فەڕەنسی، تەنها 11 خاڵیان کۆکردووەتەوە و لە پلەی 13 دێن.
