یاریگا –
ئیبراهیما کۆناتێ، بەرگریکاری لیڤەرپوول هەواڵێکی خۆش بە هاندەرانی رێدز دەگەیەنێت.
دوای ئەوەی لە یاریی رابردووی لیڤەرپوول بەرامبەر برایتن، کۆناتێ بەهۆی هەستکردن بە ئازار، یاریگای جێهێشت و جۆ گۆمێز، بەرگریکاری ئینگلیزی شوێنیگرتەوە، ئێستا نزیکە لە گەڕانەوە.
کۆناتێ پۆستێکی لە ئینستاگرام کردووە و نووسیویەتی
پێکانەکەم مەترسیدارنییە، ئەمڕۆ پشکنینەکانم کرد و پشتڕاستبووینەوە کە هیچ نەشکاوە. بۆ یاریی داهاتوو ئامادە دەبم.
View this post on Instagram
ئارنە سڵۆت لیستێکی درێژی پێکانی یاریزانانی هەیە و ئامادەبوونی کۆناتێ بۆ یارییەکانی داهاتوو، کێشەکانی هێڵی بەرگری چارەسەر دەکات.
هەریەکە لە ئالیسن بەیکەر، کۆنۆر بڕادلی، هارڤێی ئیلیەت، دیۆگۆ جۆتا و فێدێریکۆ کیێزا بەهۆی پێکان بەشدارییان لە یاریی رابردوودا نەکرد.
سبەی سێشەممە، لیڤەرپوول لە گەڕی چوارەمی قۆناخی خول – چامپیۆنزلیگ لە ئانفیڵد میوانداری بایەر لیڤەرکوزن دەکات و شەممەش لە یاریی لووتکە رووبەڕووی ئاستۆن ڤیلا دەبێتەوە.
