یاریگا –
بەهۆی هەڵسوکەوتێکی جوان کارڤاخال ئاتلێتیکۆ مەدرید لە سزایەکەی قورس رزگار دەکات.
شەوری رابردوو لە یاریی نێوان ئاتلێتیکۆ مەدرید و ریال مەدرید لە یارییەکانی گەڕی هەشتەمی لالیگا، لە خولەکی 68 ناوبژیوانی یارییەکە دووجار بەهۆی هێرشی هاندەرانی ئاتلێتیکۆ مەدرید بۆسەر تیبۆ کۆرتوا یارییەکەی راگرت.
🏟️ Carvajal ‘libró’ de la suspensión al Metropolitano
⚪ El segundo capitán del Real Madrid recogió otro objeto lanzado desde la grada y lo echó fuera en los minutos finales del derbi
✍️ Una información de @jdelriomuradas 👇https://t.co/B9WyCVrSbC
— MARCA (@marca) September 30, 2024
بەگوێرەی زانیارییەکانی رۆژنامەی مارکا، لە کۆتا خولەکەکانی یارییەکە هاندەرانی ئاتلێتیکۆ مەدرید جارێکی دیکە شتیان گرتووەتە یاریزانانی ریال مەدرید، بەڵام کاپتنەکەی مێرێنگی بەبێ دەنگی شتەکانی فڕیداوەتە دەرەوەی یاریگا و ناوبژیوانی ئاگادارنەکردووەتەوە.
بەگوێرەی یاساکانی لالیگا، ئەگەر یارییەک سێ جار رابگیرێت ئەوا دوای جاری سێیەم بە یەکجاری یارییەکە بۆ کاتێکی دیکە دوادەخرێت.
کارڤاخال نەیوستووە یارییەکە دوابخرێت، بۆیە بەبێ گەورەکردنی کێشەکە ئەو پارچە شتانەی هەڵدرابوونە یاریگا فڕێیداونەتە دەرەوە و ناوبژیوانیش درکێی پێی نەکردووە.
هەر بەهۆی ئەو هەڵسوکەوتەی کارڤاخال، سەرەڕای دوانەخرانی یارییەکە، ئاتلێتیکۆ لە سزای پێبژاردنی 6 هەزار یۆرۆ و داخرانی بەشێک لە شوێنی هاندەرانی یانەکەی رزگاری بووە.
چونکە بەپێی ماددەی ١٠٧ لە یاساکانی لالیگا، ئەگەر یارییەک دوابخرێت بەهۆی یانەی میواندار، ئەوا ئەو دوو سزایەی بەسەردا دەسەپێنرێت.
وردەکاری رووداوەکانی دێربی؛ هەوڵدراوە بە چەقۆ هێرشبکرێتە سەر کۆرتوا
