یاریگا –
یاریزانێکی زۆر ناسراوی ئینگلیزی پەیوەندی بە یانەیەکی پلە چواری فەڕەنسیەوە کرد.
ئاندی کارۆڵ، کە ناوێکی دیاری تۆپی پێی ئینگلیزی و یانەکانی نیوکاسڵ، لیڤەرپوول و وێستهامی ئەو وڵاتەیە، دوای ئەوەی وەرزی رابردوو لە یانەی ئامیانی پلە دووی فەڕەنسای بەسەربرد، بۆ ئەم وەرزەش پەیوەندی بە بۆردۆوە کرد کە ئەم وەرزە لە پلە چوارەکان یاری دەکات.
لە پێگەی فەرمی خۆیانەوە یانەکە بەخێرهاتنی کارۆڵیان کرد و وەک یاریزانێ نوێ ناساندیان. لە تایتڵی پێشوازیەکەشدا وەک یاریزانێکی بەئەزموون بە ئەنجامدانی 450 یاری لە کاروانی پیشەگەرێتیدا، کارۆڵیان ناساند.
💥 MERCATO 💥
Welcome @AndyTCarroll 😉 Le club 🔵⚪ est enchanté d'accueillir l'attaquant international anglais 🏴
Une très grande expérience du haut niveau avec près de 4️⃣5️⃣0️⃣ matches pros, un renfort de choix pour l'attaque bordelaise ! pic.twitter.com/QQfFC4sM7h
— FC Girondins de Bordeaux (@girondins) September 18, 2024
بۆردۆ هاوینی ئەم ساڵ دوای ماوەیەکی زۆر لە قەیرانی دارایی کە بەرۆکی یانەکەی گرتبوو، سەرەنجام بە ناچاری مایەپووچبوونی خۆی راگەیاند و تەواوی تیمی یەکەمی هەڵوەشاندەوە و دابەزین بۆ ریزی پلە چوارەکان.
لەم وەرزەش کە لە گروپی C دێن لەو خولە، لە کۆی سێ یاری خاوەنی دوو یەکسانبوون و دۆڕانێکن. هەر بۆیە دەیانەوێ سوود لە ئەزموونی کارۆڵی 35 ساڵ وەربگرن بۆ هێڵی پێشەوە.
