یاریگا –
لیۆنێل مێسی، ئەفسانەی تۆپی پێی ئەرجەنتینی و یانەی ئینتەر مەیامی ئەمریكی دڵخۆشی خۆی بە گەڕانەوەی بۆ یاریگاكان دەربڕی.
بەرەبەیانی ئەمڕۆ ئینتەر مەیامی لە یاریگای خۆیدا میوانداری فێلادلفیا یونیەنی كرد و یارییەكەشی بە ئەنجامی سێ گۆڵ بەرامبەر گۆڵێك لێ بردەوە، لە میانی یارییەكانی هەفتەی 31 خولی ئەمریكا.
لەو یارییەدا لیۆنێل مێسی لە خولەكەكانی 26 و 30 گۆڵی یەكەم و دووەمی ئینتەر مەیامی كرد و لە خولەكی 98 گۆڵی سێیەمیشی بۆ لویس سوارێز درووستكرد.
Victoria importantísima para seguir soñando ✨ pic.twitter.com/1w5LkP3xfS
— Inter Miami CF (@InterMiamiCF) September 15, 2024
یەكەم یاری لیۆ مێسی بوو لە دوای پێكانەكەی لە یاری هەڵبژاردەكەی بەرامبەر كۆڵۆمبیا لە یاری كۆتایی كۆپا ئەمێریكا، ئەفسانەكەی تانگۆ بۆ ماوەی دوو مانگ لە یاریگاكان دووركەوتەوە و لەگەل گەڕانەوەیدا دوو گۆڵیكرد و گۆڵێكیشی درووست كرد.
لە دوای یارییەكە مێسی گوتی:
راستیەكە ئەوەیە كە كەمێك ماندوو بووم، لەگەڵ ئەوەشدا كەش و هەوا گەرما و شێی مەیامی زۆر یارمەتیدەر نەبوو.
تامەزرۆی یاریكردن و گەڕانەوە بووم، چونكە بۆ ماوەیەكی زۆر لە یاریگاكان دابڕابووم، بەڵام وردە وردە دەستم بە راهێنانكردن لەگەڵ هاوڕێكانم كردەوە و هەستم بە باشتر بوون كرد، بڕیارماندا بەشداری بكەم و زۆر دڵخۆشم.
ئەمڕۆ ئێمە بە جیاوازییەكی زۆر لە پێشەنگین، شایستەیی ئەوەین، هیوادارین بتوانین پاڵەوانییەتیەكە لە لوتكەدا كۆتایی پێ بهێنین.
لە راستیدا ئەمساڵ بێ چانس بووین، بەهۆی پێكانەوە تیمەكەمان تەواو نەبوو، هەمیشە یاریزانی پێكانمان هەبووە، بەڵام تیمەكە ئەو بارودۆخەی تێپەڕاند.
ئینتەر مەیامی بە كۆكردنەوەی 62 خاڵ پێشەنگی ریزبەندی خولی ئەمریكای گرتووە و بە جیاوازی 10 خاڵ لە پێش سینسیناتی دووەمەوەیە.
