یوڤێنتوس لە گواستنەوەی سانچۆ پەشیمانبووەتەوە

یاریگا –

یوڤێنتوس بڕیاریداوە لە گواستنەوەی جەیدن سانچۆ، یاریزانی مانچێستەر یونایتد بکشێتەوە.

جیانلوکا دی مارزیۆ، رۆژنامەنووسی تۆڕی هەواڵی سکای سپۆرتس، بڵاویکردووەتەوە، یوڤێنتوس چیدیکە گرنگی بە سانچۆ نادات و تەواوی گفتوگۆکانی لەگەڵ یانە ئینگلیزییەکە هەڵوەشاندەوە.

یوڤێنتوس بڕیاریداوە، رێگە بۆ ساموێڵ ئێمبانگولا، هێرشبەری لاوی خۆی خۆش بکات و بیکاتە ئەستێرەی ئەم وەرزەی بیانکۆنێری، بۆیە لە گواستنەوەی سانچۆ پەشیمان بووەتەوە.

بەگوێرەی زانیارییەکانی سکای سپۆرتس بێت، چێڵسی خەریکە هەڵسەنگاندن بۆ دۆخی سانچۆ دەکات و رەنگە لە دوا رۆژی گواستنەوەکاندا، بیگوازێتەوە ستامفۆرد بریج.

ئێریک تێن هاخ، راهێنەری مانچێستەر یونایتد، ناوی سانچۆی لە لیستی یاریزانانی بانگهێشتکراو بۆ دوو یاریی رابردووی پرێمەرلیگ دانەنابوو.