یاریگا –
عەلی جاسم بەفەرمی بانگهێشتی یەکەم یاریی کۆمۆ دەکرێت و لە یاریی ئەمشەو بەرامبەر کالیاری ئامادە دەبێت.
سیسک فابریگاس راهێنەری یانەی کۆمۆی ئیتاڵی لیستی یاریزانانی یانەکەی بۆ یاریی ئەمشەو لە گەڕی دووەمی سێریا ئەی راگەیاندووە، عەلی جاسم هێرشبەری لاوی عێراقی بۆ یارییەکە بانگهێشتکراوە.
Squad list for today’s away match against Cagliari 🔵 pic.twitter.com/MA8k3jQHkZ
— Como1907 (@Como_1907) August 26, 2024
عەلی جاسم هێرشبەری نوێێ کۆمۆ یەکێکە لەو پێنج هێرشبەرەی بۆ یاریی ئەمشەو بەرامبەر کالیاری بانگهێشتکراون، هێرشبەرە عێراقییەکە درێسی ژمارە 14 دەپۆشێت، جگە لە عەلی جاسم بۆ یارییەکەی ئەمشەو بانگهێشتی سێرجی رۆبێرتۆ یاریزانی ئیسپانیش کراوە.
عەلی جاسم سەرەتای ئەم هەفتەیە گەیشتە ئیتاڵیا و لەگەڵ یانە ئیتاڵییەکە دەستی بە مەشق و راهێنان کرد، بەهۆی درەنگ بەدەستهێنانی ڤیزا و کارتی کارکردنی ئیتاڵیا، لە یاریی یەکەمی یانەکەی بەرامبەر یوڤێنتۆس بێبەش بوو.
ئەمشەو کاتژمێر 19:30 لە گەڕی دووەمی سێریا ئەی، کۆمۆ دەبێتە میوانی کالیاری.
