ئەهلی سعودی ئەستێرەیەكی ناپۆلی دەوێت
یاریگا –
یانەی ئەهلی سعودی دەیەوێت گرێبەست لەگەڵ ڤیكتۆر ئۆسیمین ئەستێرەی نایجیری یانەی ناپۆلی ئیتاڵی واژۆ بكات.
ئۆسیمین لە هاوینی ساڵی 2020 لە ریزەكانی لیلەوە بە بەهای 77 ملیۆن یۆرۆ پەیوەندی بە ریزەكانی ناپۆلیەوە كرد و گرێبەستەكەی لەگەڵ ئەو یانەیە لە هاوینی ساڵی 2026 بەسەردەچێت.
🚨🟢 Al Ahli have submitted initial bid to Napoli for Victor Osimhen for package in excess of €65m.
Napoli are prepared to let him go but NO agreement between Nigerian striker and Al Ahli so far.
Deal still far on player side, Osimhen will consider options + not open to loan. pic.twitter.com/LGLlFdWZbu
— Fabrizio Romano (@FabrizioRomano) August 25, 2024
بە گوێرەی زانیارییەكانی فابریزیۆ رۆمانۆ، ئەهلی ئۆفەرێكی بە بەهای 65 ملیۆن یۆرۆ بۆ گواستنەوەی ڤیكتۆر ئۆسیمین پێشكەشی ناپۆلی كردووە.
ئاماژەی بەوەشكردووە، ناپۆلی ئامادەیە دەستبەرداری هێرشبەرەكەی ببێت، بەڵام تا ئێستا هیچ رێكەوتنێك لە نێوان ئۆسیمین و ئەهلیدا نییە.
رۆمانۆ ئەوەشی ئاشكرا كردووە، گرێبەستەكە دوورە بۆ یاریزانەكە، هێرشبەرە نایجیریەكە بژاردەكانی دیكە لەبەرچاو دەگرێت و نایەوێت بە خواستن پەیوەندی بە هیچ یانەیەكەوە بكات.
ئۆسیمین لەگەڵ ناپۆلی 133 یاری كردووە و توانیویەتی 76 گۆڵ بكات و 18 گۆڵیش درووست بكات.
