ریال سۆسیداد لە گواستنەوەی ماتس هەمەڵس نزیکدەبێتەوە
یاریگا –
ریال سۆسیداد لە گواستنەوەی ماتس هەمەڵسی ئەڵمانی نزیکدەبێتەوە.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، ریال سۆسیدادی ئیسپانی لە گواستنەوەی ماتس هەمەڵسی ئەڵمانی و بەرگریکاری پێشووی یانەی بۆڕووسیا دۆرتموند نزیکبووەتەوە.
🚨⚪️🔵 Real Sociedad are closing in on Mats Hummels deal!
Formal proposal already sent and expected to be accepted, final details being sorted with Real Sociedad confident to get the green light and announce Hummels. pic.twitter.com/rZBMgxQRLf
— Fabrizio Romano (@FabrizioRomano) August 26, 2024
بەگوێرەی زانیارییەکانی رۆمانۆ، ئۆفەرێکی فەرمی یانە ئیسپانییەکە بە هەمڵس گەیشتووە، سۆسیداد متمانەی تەواوی بەخۆی هەیە، کە ماتس ئۆفەرەکە قبوڵ دەکات و پەیوەندی بە لالیگا دەکات.
ماتس وەک یاریزانێکی ئازاد پەیوەندی بە یانەکە دەکات، گرێبەستی بەرگریکارە 35 ساڵانییەکە لەگەڵ سۆسیداد بۆ وەرزێک دەبێت، بژاردەی نوێکردنەوەی بۆ وەرزێکی دیکەش لەخۆی دەگرێت.
هەمڵس لەم هاوینە گرێبەستەکەی لەگەڵ دۆرتموند کۆتایی هات و ماڵئاوایی لە یانە ئەڵمانییەکە کرد، بە درێسی زەردەواڵەکان لە سەرجەم پاڵەوانێتییەکان بەشداری 508 یاریی کردووە، 38 گۆڵی کردووە و 23 گۆڵیشی دروستکردووە.
